Posts in category: Avviżi

AVVIŻI 

1. Nhar it-Tnejn ikompli t-tberik tal-Familji: It-Tnejn: Triq Oscar Zammit u Triq it-Tramm. It-Tlieta: Triq il-Kappillan Mifsud.  L-Erbgħa: Triq il-Liċew, Triq Wenzu Mallia u Triq il-Fatati    Il-Ħamis fid-9.00 am filgħodu: Triq id-Duluri (il-parti bejn Triq Indri Cilia sa Villambrosa). Il-Ġimgħa filgħaxija: Triq il-Kappillan Valletta u Triq Qrejten
2. Nhar  l-Erbgħa hija l-Festa tal-Madonna ta’ Pompei. Fil-11.00 am se jingħad ir-rużarju, fil-11.30 am  se jkun hawn Quddiesa u wara tingħad it-talba tas-Supplika lil Madonna.
3. Nhar il-Ħamis hija l-Festa ta’ San Ġorġ Preca. Fis-6.30 pm quddiesa animata mill-Museum Subien u Bniet. L-adorazzjoni tal-Ħniena Divina se ssir fil-kappella tas-Sagrament.
4. Nhar il-Ħamis se norganizzaw coffee morning b’risq il-parroċċa. Nitilqu minn fejn il-knisja fid-8.45 am. Biljetti mingħand il-helpers.
5. Nhar is-Sibt se jsir talb għall-qdusija tal-kleru fil-knisja Parrokkjali ta’ Marsaxlokk. Ikun hemm quddiesa  fid-9.00 pm u wara adorazzjoni.
6. Nhar il-Ġimgħa fis-7.30 pm fis-Sala Parrokkjali se tiġi organizzata Wine & Pizza b’risq il-Festa Parrokkjali. Biljetti mingħand il-helpers.

AVVIŻI 

1. Nhar it-Tnejn inkomplu t-tberik tal-Familji: It-Tnejn: Triq Misraħ il-Barrieri It-Tlieta:Triq Ċensu Bugeja.      Il-Ħamis fid-9.00am filgħodu: Triq id-Duluri (il-parti bejn triq Manwel Magri u Triq Indri Cilia). Il-Ġimgħa filgħaxija: Triq Ġwann Mamo, Triq is-Snajja u Triq Roger Debattista.
2. Infakkru li x-xahar ta’ Mejju, hu ddedikat lill-Madonna u għalhekk inħeġġukom biex tgħidu ir-rużarju kuljum  flimkien mal-familji tagħkom. Fil-Knisja Parrokkjali matul dan ix-xahar se jingħad rużarju meditat fis-6 ta’ filgħaxija. Nhar ta’ Sibt u Ħadd ma jingħadx peress li nagħmlu l-Via Lucis.
3. Nhar il-Ġimgħa hija l-Ewwel Ġimgħa tax-xahar, ikun hawn l-adorazzjoni wara l-quddiesa tas-6.30 pm.
4. Wasal Kliem il-Ħajja. Nitolbu d-distributuri biex jiġbruhom mill-uffiċċju parrokkjali it-Tnejn filgħodu.
5. Nhar il-Ħadd huwa l-Ewwel Ħadd tax-xahar, il-ġbir tal-quddies kollu jmur għall-festa parrokkjali.
6. Nitolbu għal ruħ Paul Barbara li miet matul din il-ġimgħa. Agħtih O Mulej il-mistrieħ ta’ dejjem.

Avviżi

1. Issa li ħriġna l-ktieb tat-talb tal-Via Lucis, mil-lejla se tibda tingħad il-Via Lucis fis-6 pm minflok ir-rużarju. Din se tibda tingħad matul is-Sibtijiet u l-Ħdud ta’ wara l-Għid sal-Pentecoste, filwaqt li  nhar ta’ Tlieta u nhar ta’ Ġimgħa issir wara l-quddiesa biex fis-6.00 pm jingħad xorta r-rużarju.
2. Nhar it-Tnejn fil-quddiesa ta’ filgħaxija se jkollna magħna persuni bi bżonnijiet speċjali fejn wara se tingħatalhom figolla kull wieħed.
3. Nhar it-Tnejn jibda t-tberik tal-Familji:. It-Tnejn filgħaxija: Triq Villambrosa. It-Tlieta filgħodu: Triq il-Kunċizzjoni, Triq Indri’ Cilia u Triq il-Ferrovija. It-Tlieta filgħaxija: Triq il-Franġiskani . L-Erbgħa filgħaxija: Triq Manwel Magri u Triq Ġuże’ Maria Camilleri. Il-Ħamis filgħodu: Triq Edgar Vella, Triq Vitale u Triq Pawlu Burlo’, Sqaq il-Għajn u Sqaq id–Duluri. Il-Ġimgħa filgħaxija: Triq Mons Depiro u Pjazza Kappillan Muscat.  It-Tberik filgħodu jibda fid-9.00 am u filgħaxija jibda fl-4.30 pm
4. Nhar it-Tlieta ser issir adorazzjoni mmexxija mill-Grupp ta’ Talb San Franġisk fis-7.00 pm fil-Kappella tal-Adorazzjoni .
5. Nhar l-Erbgħa, wara l-quddiesa tat-8.15 am, se ssir laqgħa tas-Social Club tal-anzjani.
6. Nhar il-Hamis se jkun hawn l-adorazzjoni wara l-quddiesa tas-6.30 pm.
7. Nhar il-Ħamis se jiġi organizzat coffee morning b’risq il-Parroċċa. Biljetti mingħand il-helpers.
8. Nhar il-Ħadd, it-tieni Ħadd tal-Għid, hija l-festa tal-Ħniena Divina.  Fil-5.30 pm tibda l-Adorazzjoni, fis-6.10 pm ikollna l-Għasar kantat. U wara quddiesa fis-6.30 pm.
9. Nhar l-Erbgħa u nhar il-Ħamis ser isir bazaar fil-bitħa tal-iskola tas-Sorijiet tal-Eġittu, Triq Villambrosa. Il-qliegħ imur biex jgħinu il-missjonijiet tagħhom barra minn Malta.
10. Id-dħul mill-Cake Sale għall-Puttinu Cares  li għamilna l-ġimgħa li għaddiet tammonta għal €2000  . Nirringrazzjaw lil dawk kollha li offrew il-cakes, taw id-donazzjonijiet u xtraw l-oġġetti li kienu għall-bejgh kif ukoll lil-helpers li taw l-għajnuna. Nirringrazzjaw ukoll lil dawk kollha li ġabulna l-figolli li se nagħtu fil-quddiesa tat-Tnejn filgħaxija.

AVVIŻI

1. llum, huwa Ħadd il-Palm. Nibdew fid-9.00 am,  fil-bitħa tas-sorijiet tal-Eġittu, minn fejn imbagħad issir il-Purċissjoni sal-Knisja fejn fid-9.30 am ikollna il-quddiesa.       
2. Nhar it-Tnejn, il-quddiesa ta’ filgħaxija tkun bl-għasar, wara l-quddiesa, jkollna Laqgħa ta’ talb quddiem Ġesu’ Kurċifiss.
3. Nhar it-Tlieta se jsir Pellegrinaġġ bl-istatwa tar-Rendentur organizzat mill-parroċċa ta’ San Gejtanu. Il-pellegrinaġġ jitlaq mill-Kappella tal-Museum tal-Blata l-Bajda fis.6.00 pm.
4. Nhar l-Erbgħa, il-Via Sagra flok issir fil-knisja bħas-soltu ser issir fi Pjazza Oreste Chircop fis-5.45 pm. Kulħadd mistieden speċjalment ir-residenti ta’ l-inħawi. Fis-6.30 pm ikun hawn il-quddiesa bl-għasar. Illum ukoll fit-7.00 pm ta’ filgħaxija, se ssir Via Crucis Nazzjonali mmexxija mill-Arċisqof, fil-Belt Valletta.
5. Nhar il-Ħamis, Ħamis ix-Xirka, filgħodu ma jkunx hawn quddies u kemm il-Knisja kif ukoll il-Kappella jkunu magħluqa. Fis-6.30 p.m nagħtu bidu għat-Tridu qaddis tal-Għid fejn ikollna quddiesa Konċelebrata li fiha ssir iċ-ċerimonja tal-ħasil tar-riġlejn. Fit-8.00 p.m. nagħmlu flimkien il-viżti tas-Salib u fl-10.00 p.m. ikollna siegħa mqaddsa bħala għeluq il-Jum.
6. Nhar il-Ġimgħa l-Kbira huwa obbligu ta’ sawm u astinenza għall-adulti bejn it-18 u s-60 sena u ta’ sagrifiċċji għal dawk li ghandhom bejn l-14 u t-18-il sena. Fl-10 am. fiċ-Ċentru Soċjali tal-irġiel, issir konferenza fuq il-Passjoni tal-Mulej. Il-knisja tiftaħ fis-2.15 pm u fit-3.00 p.m. tibda l-Azzjoni Liturġika tal-Jum. 
7. Nhar is-Sibt, fit-8.00 p.m niċċelebraw il-Vġili tal-Għid li fiha niċċelebraw il-misteru tal-Qawmien mill-mewt ta’ Sidna Ġesu Kristu.
8.  Matul din il-ġimgħa s-Segretarjat Assistenza Soċjali tal-Azzjoni Kattolika qed iniedi ġimgħa ta’ Sagrifiċċju. Ħdejn il-bieb ta’ barra  hemm kaxxa apposta sabiex naghtu l-kontribuzzjoni tagħna  b’risq dawk li huma fil-bżonn.
9. Nhar it-Tnejn, l-għada tal-Għid, fil-quddiesa tas-6.30 pm, se jkollna fostna persuni bi bżonnijiet speċjali u se nagħtuhom figolla kull wieħed. Għalhekk inħeġġu lil dawk li jistgħu sabiex joffru figolla billi iġibuhom fl-uffiċċju Parrokkjali  jew fis-sagristija.
10. Infakkrukom li fejn il-bieb ta’ barra, l-Parroċċa qed torganizza bejgħ ta’ kejkijiet u figolli b’risq il-fondazzjoni Puttinu cares fejn id-dhul kollu se jmur biex jgħin familji li għandhom tfal bil-marda tal-kanċer.
11. Il-Parroċċa għadha kemm ippubblikat ktejjeb fuq it-talba tal-Via Lucis li għandna fil-Knisja. Ħdejn il-bibien tal-Knisja qed inbieghu dan il-ktejjeb fejn id-dhul se jmur għall-ispejjeż tas-saqaf u t-tibjid tal-knisja. Nissuġġerixxu li tieħdu din l-opportunita’ sabiex tirregalaw dan il-ktejjeb lit-tfal u neputijiet u nħeġġukom sabiex tgħidu din it-talba sabiha speċjalment mill-Għid il-Kbir sal-Pentekoste.

AVVIŻI

1. It-Tnejn fis-7.00 pm, fiċ-Ċentru Soċjali tal-Irġiel, issir il-laqgħa ta’ formazzjoni għal kulħadd minn koperatur tal-Museum.

2. Nhar l-Erbgħa ikun hawn il-laqgħa taċ-ċentru tal-anzjani fit-8.30 am.

3. Nhar il-Ħamis se issir Ċelebrazzjoni Penitenzjali bil-possibiltà tal-qrar. Mill-5.30 pm sas-6.15 pm se jkollna ċelebrazzjoni u qrar għat-tfal. Infakkru lit-tfal biex  iġibu l-karus tal-imħabba magħhom. Filwaqt li  fis-6.15 pm ikun hawn ċelebrazzjoni u qrar għal kulħadd.  Fis-7.00 pm ikollna l-quddiesa. Bejn is-7 pm u t-8 pm se jkun hemm il-qrar speċjalment għal dawk li jaħdmu fil-ħwienet. Inħeġġu lil dawk kollha li jistgħu sabiex jersqu għas-sagrament tal-qrar fejn se jkollna s- saċerdoti tal-parroċċa disponibbli.

4. Nhar il-Ġimgħa niċċelebraw il-Festa tad-Duluri. Il-ħinijiet tal-quddies jkunu hekk: fis-6.15; 7.15; 8.15; u quddiesa f’nofsinhar. Filgħaxija jkollna quddiesa fil-5.30 pm u wara toħroġ il-Purċissjoni bl-istatwa tad-Duluri. Wara  jkollna l-aħħar quddiesa.

5. Nhar il-Ħadd niċċelebraw Ħadd il-Palm. Il-Funzjoni tat-tberik tal-friegħi taż-Żebbuġ u l-palm issir fil-bitħa tas-sorijiet tal-Eġittu, fid-9.00 am,  minn fejn  tibda l-Purċissjoni għall-Knisja parrokkjali. Fid-9.30 am jkollna l-quddiesa.

6. Nhar  il-Ħamis  se jsir il-coffee morning b’risq il-parroċċa.  Biljetti mingħand il-ħelpers

7. Nhar is-Sibt ser issir Adorazzjoni għall-qdusija tal-Kleru In-Nigret ir-Rabat. Tibda bil-quddiesa fid-9 pm.

8. Min nhar il-Festa tad-Duluri sal-Ġimgħa l-Kbira, is-Segretarjat Assistenza Soċjali tal-Azzjoni Kattolika qed iniedi Ġimgħa ta’ Sagrifiċċju. Ħdejn il-bieb ta’ barra se jkun hemm kaxxa apposta u nħeġġukom biex tkunu ġenerużi u tagħtu l-kontribuzzjoni tagħkom b’risq dawk li huma fil-bżonn.

9. Minn nhar il-Ġimgħa l-Parroċċa se torganizza Cake Sale b’risq Puttinu Cares Foundation. Nistiednu lill-familji sabiex joffru cake jew figolla li jistgħu igibuhom il-Knisja jew fl-uffiċċju parrrokkjali.                                                                                              

10. It-Tnejn, l-għada tal-Għid, fil-quddiesa tas-6.30 pm se jkollna fostna persuni bi bżonnijiet speċjali u se nagħtuhom figolla. Inħeġġukom ukoll sabiex toffru figolla għal dawn ħutna.

11. Nitolbu għal ruħ Josephine Calleja li mietet matul din il-ġimgħa. Agħtiha O Mulej il-mistrieħ ta’ dejjem .

Avviżi

1. Mons Arcisqof se jagħti bidu għall-Kawża ta’ Beatifikazzjoni tal-Qaddej t’Alla Brother Louis Camilleri. Kull min għandu xi tagħrif jew materjal li jista’ jagħin din il-kawża mitlub li jgħaddiha lit-Tribunal tal-Arċidjoċesi jew iwassalha l-uffiċċju Parrokkjali.
2. Min nhar it-Tnejn sal-Ġimgħa  se jkollna l-eżerċizzi għal kulħadd li se jmexxihom Soċju tal-Museum. Minħabba x-xogħolijiet fil-Knisja se jkollna dan il-programm li se jsir fis-Sala Dun Manwel: Fit-8.10 am Rużarju u l-priedka fit-8.30am (flok fid-9.00am).
3. Nhar it-Tlieta ser issir l-Assemblea Parrokkjali għand is-Sorijiet ta’ l-Eġittu fis-6.30pm.  Kulħadd huwa mistieden, speċjalment il-lajċi impenjati. Dak inhar il-quddiesa ta’ filgħaxija se tkun fis-6.00 pm.
4. Nhar l–Erbgħa fl-4.30 pm se jsir it-tberik fi Triq  Kanonku Bonnici. 
5. Nhar il-Ġimgħa hija l-Ewwel Ġimgħa tax-xahar, ikun hawn l-adorazzjoni wara l-quddiesa tas-6.30 pm.
6. Bejn il-Festa tad-Duluri u Ħadd il-Palm l-Parroċċa se torganizza Cake Sale b’risq Puttinu Cares Foundation. Nistiednu lill-familji sabiex joffru cake jew figolla li jistgħu iġibuhom il-Knisja jew fl-uffiċċju parrrokkjali.
7. Bħal kull sena, it-Tnejn, l-għada tal-Għid, fil-quddiesa tas-6.30 pm se jkollna fostna persuni bi bżonnijiet speċjali u se nagħtuhom figolla kull persuna. Inħeġġukom ukoll sabiex toffru figolla għal dawn ħutna.
8. Nhar  Il-Ħamis 11 ta’ April se jsir il-coffee morning b’risq il-parroċċa.  Biljetti mingħand il-helpers.
9. Il-ġabra għas-Seminarju kienet ta’ €810. Nirringrazzjaw lil kulħadd. 
10. Nixtiequ navżaw li mal-ħarġa tal-Flimkien ta’ April qed inqassmu envelop b’fuljett b’deskrizzjoni ta’ żewġ proġetti li qed nagħmlu fil-knisja fejn apparti li rrestawrajna s-saqaf u qed niżbgħu il-knisja b’kuluri ġodda se ninstallaw ukoll l-air conditioners. Id-donazzjonijiet tkunu tistgħu ġġibuhom jew fl-uffiċċju parrokkjali jew fis-sagristija. Nirringrazzjaw lil dawk li diġa taw id-donazzjoni tagħhom għal dawn il-proġetti.

Avviżi

1. Nhar l–Erbgħa se jsir it-tberik fi Triq  Lord Byron u Triq Adelaide Cini.  It-tberik jibda fl-4.30 pm.
2. Nhar il-Ħamis ikun hawn l-Adorazzjoni wara l-quddiesa.
3. Mit-Tnejn sal-Ġimgħa se jkun hemm l-eżerċizzi għal kulħadd fil-knisja ta’ San Franġisk fis-6.30 pm. Predikatur: Patri Richard Grech OFM.
4. Navżaw ukoll li mit-Tnejn 1 t’April se jkollna l-eżercizzi għal kulħadd li se jmexxihom is-superjur Joe Fenech. Minħabba x-xogħolijiet fil-Knisja se jkollna dan il-programm li se jsir fis-Sala Dun Manwel: Fir-8.10 am Rużarju u fit-8.30 am jkollna l-priedka (flok fid-9.00 am).
5. Bħal ma sar dawn l-aħħar snin ser terġa ssir l-Ikla bi tradizzjoni Lhudija nhar is-Sibt 13 ta’ April fit-7.30 pm. Għal aktar dettalji u biljetti mill-uffiċċju parrokkjali jew fil-librerija.
6. Tlett ġimgħat oħra l-Parroċċa se torganizza Cake Sale b’risq Puttinu Cares Foundation sabiex ngħinu familji li għandhom tfal bil-marda tal-kanċer. Nistiednu lill-familji sabiex joffru cake sabiex ikun jista’ jinbiegħ f’Ħadd il-Palm u noffru d-dhul kollu lill-Fondazzjoni.

1. Matul din il-ġimgħa se jkun hawn l-eżerċizzi tal-miżżewġin fis-7.00 pm. Il-Predikatur se jkun Patri Karm Debattista MSSP.
2. Nhar it- Tlieta hija s-Solennita’ ta’ San Ġużepp. Għall-quddiesa ta’ filgħaxija huma mistiedna b’ mod speċjali dawk kollha li jisimhom għal San Ġużepp.
3. Nhar l–Erbgħa se jsir it-tberik fi Triq  Nuzzo.  It-tberik jibda fl-4.30 pm
4. Nhar l-Erbgħa ukoll ser issir ħarġa bil-quddiesa għall-anzjani organizzata miċ-Ċentru tal-anzjani għall-Kappella ta’ Lourdes fil-Furjana.  Biljetti mingħand il-helpers.
5. Nhar is-Sibt u l-Ħadd li ġej se ssir il-Ġabra speċjali għas-Seminarju. Nitolbukom tkunu ġenerużi.
6. Infakkru li matul ir-Randan mit-Tnejn sas-Sibt fis-6.15 am fil-Katekumenju qed ikun hemm it-talba tal-Lawdi li għaliha kulħadd hu mistieden.
7. Nitolbu għal ruħ Joseph Farrugia u Joseph Spiteri, li mietu matul dawn il-ġranet.   Agħtihom  O Mulej il-mistrieħ ta’ dejjem.

1. Nhar it-Tnejn il-quddiesa ta’ filgħaxija se tkun fil-5.30 pm bis-sehem tat-tfal li jattendu id-duttrina flimkien mal-ġenituri tagħhom. Dakinhar lit-tfal se ntuhom il-karus ta’ mħabba u l-flus li se jinġabru se jingħataw lid-Dar tal-Providenza.  Wara l-quddiesa ikun hawn il-Via Sagra. Fis-7.00 pm, fiċ-Ċentru ta’ l-irgiel ikun hawn laqgħa ghal-kulhadd mill-kooperaturi tal-Museum.
2. Nhar it-Tlieta se ssir adorazzjoni mill-Grupp ta’ Talb San Franġisk fis-7:00 pm fil-kappella tal-Adorazzjoni.
3. Nhar l-Erbgħa se nagħtu bidu għat-tberik tal-Familji ta’ Triq Ġuże’ Pace u Triq Pace Forno. Nibdew fl-4.30 pm.
4. Nhar il-Ħamis ikun hawn l-adorazzjoni wara l-quddiesa tas-6.30 pm.
5. Minn nhar it-Tnejn  18 ta’ Marzu, se jkun hawn l-eżerċizzi tal-miżżewġin fis-7.00 pm. Il-Predikatur se jkun Fr Karm Debattista. MSSP.
6. L-Uffiċċju Missio ser jorganizza  Maratona ta’ ġbir ta’ fondi fuq il-mezzi tax-xandir biex jgħin lill-knejjes li jinsabu fl-artijiet tal-missjoni fi proġetti għall-foqra tagħhom, nhar is-Sibt, 16 ta’ Marzu 2019 bejn nofs-in-nhar u nofs-il-lejl.   Nuru s-solidarjeta’ ma’ dawn ħutna billi nkunu ġenerużi fl-offerta tagħna.
7. L-ewwel ġabra bl-envelops għall-Festa Parrokkjali tammonta għal €2,000. Nirringrazzjaw lil dawk kollha li tawna d-donazzjonijiet.
8. Nixtiequ navżaw li sakemm jitlesta x-xogħol ta’ manutenzjoni u tibjid tas-saqaf u l-ġnub tal-knisja, il-quddies matul il-ġimgħa filgħodu se jkun f’dawn il-ħinijiet:    6.15 am, 7.00 am u 7.45 am.
9. Nitolbu għall-erwieħ ta’ Maria Mintoff, Olimpia Schembri u Tessie Laus, li mietu matul din il-ġimgħa. Agħtihom O Mulej il-mistrieħ ta’ dejjem.

A

1. Nhar it-Tlieta se jiltaqgħa il-Kunsill Parrokkjali fis-7 pm fis-Sala Dun Manwel.
2. Nhar l-Erbgħa nagħtu bidu għar-Randan Imqaddes. Huwa Jum ta’ sawm u astinenza għal dawk li għandhom bejn it-18 u s-60 sena, kif ukoll ta’ astinenza (ma jittiekilx laħam) / sagrifiċċju għal dawk li għandhom bejn l-14 u t-18-il sena. Fil-quddies kollu jkollna l-funzjoni tat-tqegħid tal-irmied. Fis-6 pm, ikollna l-Via Sagra u fis-6.30 pm toħroġ il-quddiesa.
3. Nhar l-Erbgħa ikun hawn il-laqgħa taċ-ċentru tal-anzjani wara l-quddiesa tat-8.15 am.
4. Nhar il-Ħamis wara l-quddiesa tas-6.30 pm se jkun hemm Ċelebrazzjoni Penitenzjali mmexxija mill-Grupp ‘Footprints’.
5. Nhar il-Ġimgħa se jsir pellegrinaġġ bix-xbieha ta Ġesu Kurċifiss.  Nitilqu fis-6.00 pm.  Wara l-pellegrinaġġ, għal ħabta tas-7.00 pm  ikollna l-quddiesa. 
6. Matul ir-Randan, kull nhar ta’ Sibt, fis-5.45 pm  ikun hemm Via Sagra, fis-6.10 pm ċelebrazzjoni tal–għasar Kantat u fis-6.30 pm quddiesa.
7. Nhar is-Sibt, fil-parroċċa ta’  Ta’ Xbiex  se ssir l-Adorazzjoni ta’ bil-lejl għall-qdusija tal-Kleru. Il-laqgħa tibda bil-quddiesa fid-9 pm u tibqa sejra bl-Adorazzjoni sal-11 pm. Ikollna trasport li jitlaq minn fejn il-knisja fit-8.15 pm.
8. Infakkru lil dawk li għadhom ma ġabux l-envelop għall-ewwel ġabra tal-festa sabiex iġibuh fl-uffiċċju parrokkjali jew fis-sagristija.
9. Nixtiequ ninfurmawkom li se jibda’ x-xoghol ta’ manutenzjoni  u tibjid tas-saqaf tal-knisja li se jiġi jiswa 7,000 euro. Matul il-gimgħa ninfurmawkom iktar kif se jeffettwa l-ħinijiet tal-quddies ta’ matul il-ġimgħa.
10. Nitolbu għal ruħ  Alfred Gerada li miet matul din il-ġimgħa. Agħtih O Mulej il-mistrieħ ta’ dejjem.