Posts in category: Avviżi

Avviżi

1. Nhar l-Erbgħa se ssir laqgħa tas-Social Club tal-Anzjani wara l-quddiesa tat-8.15 am.
2. Minn din il-ġimgħa se jibda jsir il-ġbir tal-preserves għall-bazaar tal-parroċċa li se jsir fl-aħħar ta’ Ottubru. Nirringrazzjawkom tal-koperazzjoni tagħkom. Fejn il-bieb ukoll ser ikun hemm qfief fejn tistgħu tpoġġu l-preserves.
3. Is-Superjur tal-Museum jixtieq javża li millum il-Ħadd  se jibdew il-konferenzi għall-adulti ta’ kull nhar ta’ Ħadd fuq suġġetti reliġjużi varji fil-Museum tas-Subien ta’ Barth Street. Il-ħin ikun fis-6.30 pm. Kulħadd huwa mistieden.
4. Nhar il-Ħamis se jsir coffee morning b’risq il-parroċċa.  Tluq fid-8.45 am.
5. Se ssir ħarġa bil-quddiesa organizzata mis-Social Club tal-anzjani nhar l-Erbgħa 23 ta’ Ottubru. Inżuru l-Museum tal-knisja ta’ Ħaż-Żabbar. Biljetti mingħand il-helpers.
6. Il-Ġabra għall-Art Imqaddsa laħqet €760. Nirringrazzjaw lil kulħadd.
7. Bħalissa qed jinħass nuqqas ta’ voluntiera għat-tindif tal-knisja.  Napprezzaw ħafna jekk hawn min jista’ joffri xi ftit tal-ħin fil-ġimgħa preferibbilment il-Ġimgħa jew is-Sibt.

Avvizi

1. Fl-okkażjoni ta’ egħluq il-25 sena mis-saċerdozju tiegħu il-Kappillan se jqaddes quddiesa ta’ radd-il ħajr lil Alla għada llejla  fis-6 pm. Għalhekk il-quddiesa mhux ser tkun fis-6.30 pm imma fis-6 pm.
2. Ix-xahar t’ Ottubru huwa  ix-xahar dedikat lil Madonna tar-Rużarju. Matul il-ġimgħa minn nhar t-Tlieta ir-rużarju jibda jingħad darbtejn kuljum: wara l-quddiesa tas-7.15 am u wara l-quddiesa tas-6.30 pm għal matul ix-xahar ta’ Ottubru.
3. Nhar it-Tlieta  fil-quddiesa tas-6.30 pm  nagħtu bidu għal sena oħra ta’  ħidma pastorali. Inħeġġu speċjalment  lil membri tal-Kummissjonijiet u għaqdiet tal-parroċċa u lajċi mpenjati biex jattendu, biex flimkien nitolbu l-barka ta’ Alla fuq il-ħidma pastorali li se nwettqu matul din is-sena. Wara, se jiltaqa’ l-Kunsill  Pastorali Parrokkjali  fis-Sala Dun Manwel. Dakinhar ir-rużarju se jingħad fis-6 pm.
4. Nhar il-Ġimgħa l-Ewwel Ġimgha tax-xahar ikun hawn l-adorazzjoni wara l-quddiesa ta’ filgħaxija. Dakinhar ir-rużarju jingħad fis-6:00 pm
5. Nhar is-Sibt fil-quddies ta’ filgħodu niċċelebraw il-Festa ta’ Santa Faustina.
6. Nhar il-Ħadd huwa l-ewwel Ħadd tax-xahar u issir il-ġabra speċjali għall-bżonnijiet tal-knisja.
7. Fl-okkażjoni tal-50 sena minn mindu beda jsir talb għall-qdusija tal-kleru, nhar is-Sibt 12 ta’ Ottubru ser issir fil-parroċċa tagħna. Din tibda bil-quddiesa  fid-9.00 pm u wara adorazzjoni. Nħeġġukom li tatendu .

Avvizi

1. Nhar it-Tlieta ser isir coffee morning . Nitilqu fit-8.45 am. Biljetti mingħand il-helpers.
2. Nhar l-Erbgħa se ssir l-ewwel  laqgħa tas-Social Club tal-Anzjani.  Se nibdew bil-quddiesa tat-8.15 am wara niltaqgħu fis-Sala Dun Manwel.
3. Nhar il-Ħamis ikun hawn l-Adorazzjoni wara l-quddiesa tas-6.30 pm.
4. Il-Kummissjoni Festa qed torganizza  ftira night u tombla nhar il-Ġimgħa fis-7.30 pm fis-sala parrokkjali. Biljetti mill-uffiċċju parrokkjali jew librerija.
5. Nhar il-Ħadd  li ġej fil-quddiesa tad-9.30 am se ssir quddiesa bis-sehem tat-tfal bħala bidu tas-sena skolastika. Fil-quddiesa se jsir it-tberik tat-tfal u tal-basktijiet ta’ l-iskola. It-tfal u l-ġenituri huma mħeġġa li jattendu.
6. Fl-okkażjoni ta’ egħluq il-25 sena mis-saċerdozju tiegħu, il-Kappillan se jqaddes quddiesa ta’ radd-il ħajr lil Alla nhar il-Ħadd li gej fis-6 pm. Għalhekk il-quddiesa mhux ser tkun fis-6.30 pm imma fis-6 pm.
7. Il-Kunsill Lokali Ħamrun  se jkun qed jilqa’ r-reġistrazzjoni għat-tilqima tal-influwenza għall-persuni li ghalqu l-55 sena. Din tista’ ssir fl-uffiċċju tal-Kunsilll bejn it-8.30 am u nofsinhar sal-Ġimgha 28 ta’ Settembru.
8. Il-moviment ta’ Kana qed jistieden operaturi pastorali li jaħdmu fil-qasam tal-familja għal-laqgħa li ser isir il-Ġimgħa li ġej.  Fl-Istitut Kattolika, fis-7 pm.
9. Din il-ġimgħa ser tibda r-reġistrazzjonijiet tat-tfal tad-duttrina. Għall-bniet issir reġistrazzjoni fl-uffiċċju parrokkjali biss filwaqt li għas-subien trid issir reġistrazzjoni kemm fil-qasam tal-museum u kemm fl-uffiċċju parrokkjali.

Avvizi

1. Nhar il-Ħamis ikun hawn l-Adorazzjoni wara l-quddiesa tas-6.30 pm.
2. Il-Kummissjoni Festa qed torganizza  ftira night u tombla nhar il-Ġimgħa 27 ta’ Settembru fis-7.30 pm fis-sala parrokkjali.  Biljetti mill-uffiċċju parrokkjali jew librerija.
3.  Il-Kunsill Lokali Ħamrun  se jkun qed jilqa’ r-reġistrazzjoni għat-tilqima tal-influwenza għal persuni li għalqu l-55 sena. Din tista’ ssir fl-uffiċċju tal-Kunsilll bejn it-8.30 am u nofsinhar sal-Ġimgħa 28 ta’ Settembru.
4. Nixtiequ navżaw li l-Ħadd 29 ta’ Settembru il-quddiesa tas-6.30 pm se tkun fis-6.00 pm.
5. Nitolbu għal ruħ Sister Giovanna Busuttil u Henry Attard li mietu matul din il-ġimgħa. Agħtihom O Mulej il-mistrieħ ta’ dejjem.
6. Navżaw li matul din il-ġimgħa l-quddiesa tas-6.15 am mhux se ssir.

Avviżi

1. Nhar it-Tnejn, fis-7.00 p.m., fiċ-Ċentru Soċjali tal-Irġiel, ser issir laqgħa minn koperatur tal-Museum. Kulħadd huwa mistieden għaliha.
2. Nhar it-Tlieta filgħodu ser issir ħarġa għal Birżebbuġa.  Nitilqu fid-8.45 a.m. Biljetti mingħand il-helpers.
3. Nhar il-Ħamis wara l-quddiesa tas-6.30 p.m. ikun hawn l-Adorazzjoni immexxija mill-Grupp Ħniena Divina.
4. Fl-okkażjoni ta’ Jum Dinji tal-Anzjani, il-Caritas  ser torganizza quddiesa nhar il-Ħamis, fl-10 a.m. fil-Knisja Parrokkjali tal-Mosta. Iċ-Ċentru tal-anzjani se jorganizza trasport għal din l-okkażjoni . Nitilqu fid-9 a.m. Biljetti mingħand il-helpers. 
5. Nhar is-Sibt ser isir talb għall-qdusija tal-kleru fil-kappella ta’ Sant’Anna iż-Żebbiegħ, l-Imġarr, fid-9.00 p.m.

Avvizi

1. Nhar il-Ġimgħa l-Ewwel Ġimgha tax-xahar ikun hawn l-adorazzjoni wara l-quddiesa ta’ filgħaxija.
2. Nhar l-Erbgħa fis-7:00 pm jibdew ir-rehearsals tal-kor parrokkjali. Il-Kor, li jiltaqa’ kull nhar t’Erbgħa, jistieden kemm irġiel u kemm nisa biex jiffurmaw parti  mill–Kor Parrokkjali.
3. Fl-okkażjoni ta’ –Jum Dinji tal-Anzjani ser issir quddiesa nhar il-Ħamis, 12 ta’ Settembru, fl-10:00 a.m. fis-Santwarju Bażilika tal-Assunta, il-Mosta. Iċ-Ċentru tal-anzjani se jorganizza trasport għal din l-okkażjoni . Nitilqu fid-9:00 am . Biljetti mingħand il-helpers.  
4. Il-Kummissjoni Interdjoċesana Ambjent qed tiftaħ x-Xahar tal-Ħolqien b’quddiesa u taħdita fis-6.30 pm li se ssir f’Dawret ix-Xatt ġewwa x-Xgħajra nhar it-Tlieta 3 ta’ Settembru.  Kulħadd mistieden jattendi.
5. Nitolbu għall-erwieħ ta’ Tereza Gerada u Margerita Magri li mietu matul din il-ġimgħa .Agħtihom O Mulej il-mistrieħ ta’ dejjem.

Avviżi

1. Nhar l-Erbgħa se ssir ħarġa b’risq il-Parroċċa. Biljetti mingħand il-ħelpers u tluq ikun fis-1.30 pm minn ħdejn il-Knisja.
2. Nhar il-Ħamis ikun hawn Adorazzjoni Ewkaristika wara l-quddiesa ta’ filgħaxija.
3. Nhar il-Ħadd li ġej huwa l-Ewwel Ħadd tax-xahar u se nagħmlu ġabra speċjali għall-Air Conditioners tal-Knisja.
4. Nitolbu għal ruħ Alvin Farrugia li miet matul din il-ġimgħa. Agħtih O Mulej il-mistrieħ ta’ dejjem.

Avvizi

1. Nhar it-Tnejn, fis-7.00 pm., fiċ-Ċentru Soċjali ta’ l-Irġiel,  ikun hawn  il-laqgħa minn koperatur tal-Museum għal kulħadd.

2. Nhar it-Tlieta fis-1.30 pm ser issir ħarġa għal Birżebbuġa.  Biljetti mingħand helpers.

3. Nhar  il-Ħamis hija s-Solennita’ tat-Tlugħ fis-Sema ta’ Ommna Marija. Infakkru li hija festa bl-obbligu tal-quddies bil-ħinijiet  bħal ta’ nhar ta’ Ħadd.

4. Nhar Il-Ġimgħa jaħbat  is-56 sena minn mindu infetħet  il-knisja tagħna u saret fiha l-ewwel quddiesa li mexxiha l-Isqof Emanuel Galea. Nirringrazzjaw lil Mulej tal-ġid kollu li sar f’din il-knisja.

5. Wasal Kliem –il Ħajja ta’ Settembru – Diċembru . Nitolbu lid-distributuri biex jiġu jiġbruhom mil-uffiċċju parrokkjali.

6. Nitolbu għal ruħ Emanuel Vasssallo li miet matul din il-ġimgħa. Agħtih O Mulej il-mistrieħ ta’ dejjem.

Avvizi

1. Nhar il-Ħamis ikun hawn l-Adorazzjoni wara il-quddiesa tas-6.30 pm immexxija mill-Grupp Ħniena Divina.
2. Nhar is-Sibt ser isir talb għal qdusija tal-kleru fil-Knisja Parrokkjali , Iklin fid-9.00 pm.
3. Nitolbu għal ruħ Wistin  Galea li miet matul din il-ġimgħa. Agħtih O Mulej il-mistrieħ ta’ dejjem.

Avviżi

1. Nhar il-Ħamis ikun hawn l-Adorazzjoni wara il-quddiesa tas-6.30 pm
2. L-Eċċ. Tiegħu Mons. Joe Galea Curmi, Isqof Awżiljarju, qed jistieden lill-Missjunarji, Saċerdoti, Reliġjużi u lajċi li qegħdin jaħdmu għall-knisja ’l bogħod minn artna għal-laqgħa speċjali li ser issir apposta għalihom nhar  il-Ħamis 18 ta’ Lulju  f’ Dar l-Emigrant, il-Belt Valletta,  fil-5.00 pm.  
3. Nhar it-Tlieta ser issir ħarġa għall-Birżebbuġa. Tluq fis-1.30 pm. Biljetti mingħand il-helpers.
4. Nitolbu għal ruħ Molly Attard li mietet matul din il-ġimgħa. Agħtiha, O Mulej, il-mistrieħ ta’ dejjem.