U bil-Magħmudija, in-nisrani isir parti mill-Knisja. Isir parti minn grupp ta' nies li jemmnu f' Ġesu Kristu li qam mill-imwiet. Isir parti minn grupp li jqisu lil Ġesu bħala l-imgħallem tagħhom, dak li jmexxihom. Flimkien mal-membri l-oħra, in-nisrani ikollu ma' min jaqsam l-esperjenzi differenti tal-ħajja. Bis-sapport tal-insara l-oħra u tal-Kelma t' Alla, jista' jara l-ħajja mil-lenti tal-fidi u jgħix ta' kuljum il-Magħmudija li rċieva. Il-Magħmudija hija l-ewwel pass fil-ħajja nisranija. Permezz tagħha n-nisrani jsir ħaġa waħda ma' Ġesu li tgħammed fil-Ġordan, u jissieħeb miegħu fil-misteru tal-Għid. Jingħaqad ma' Ġesu fil-mewt tiegħu, billi jiċħad ix-xitan u d-dnub. Ma' Ġesu mqajjem mill-imwiet, jesperjenza ħajja ġdida, il-Ħajja ta' Nisrani. Dan jidher ċar fl-użu tal-ilma, sinjal ewlieni tas-sagrament. Bħalma l-ilma jista' joqtol, jista' jintuża biex inaddaf u għandu l-kapaċita' jagħti l-ħajja lil post, fil-Magħmudija immutu ma' Ġesu għad-dnub, inaddafna mid-dnub u jtina ħajja ġdida.

Minn dan il-Battisteru, dak li jitgħammed jirċievi ħajja u missjoni ġdida. Dik li jkun jixbah lil Kristu, li jkun Kristu ieħor. Bħal Kristu, n-nisrani il-ġdid irid ikun dawl għall-oħrajn bil-ħajja tiegħu u melħ li jagħti togħma aħjar fis-soċjeta. Huwa għal din ir-raġuni, li l-katekumenu (dak li jkun se jirċievi l-Magħmudija) jiġi midluk biż-żejt, liema dilka tfakkarna fi Kristu (kelma li tfisser "il-Midluk") Qassis, Profeta u Sultan. Il-Magħmudija

Magħmudijiet fil-Parroċċa tagħna

Sciberras Zack

Borg Brincat Keyson

Galea Giulia

Untalan Ariel Caleb

Caruana Nate Jordan

Duenas King Zion

Cassar Nate Drake

 

"Fil-Magħmudija noffru teżor, noffru wiegħda: l-Ispirtu s-Santu. Il-Magħmudija tagħti l-qawwa tal-Ispirtu Qaddis: l-Ispirtu li jrid jiddefendihom u jassistihom tul ħajjithom kollha. Għalhekk hija importanti li ngħammduhom daqshekk żagħar, sabiex jikbru bil-qawwa tal-Ispirtu s-Santu...

Ġibtuhom hawnhekk sabiex jirċievu l-Ispirtu Qaddis ġewwa fihom. Agħmlu żgur li jikbru fid-dawl, bil-qawwa tal-Ispirtu Qaddis permezz tal-katakeżi, l-assistenza, l-edukazzjoni u l-eżempju tagħkom fid-dar." Papa Franġisku Kappella Sistina - 12 ta' Jannar 2020