Posts in category: Avviżi

Il-Ħadd 21 ta’ Jannar, 2018
It-Tielet Ħadd matul is-sena

Sena Liturġika B

1. Għada t-Tnejn fis-7 pm fis-sala Dun Manwel se ssir laqgħa għal dawk li jattendu l-Kappella tal-Adorazzjoni.
2. Nhar l-Erbgħa ser issir ħarġa bil-quddiesa organizzata miċ-Ċentru tal-anzjani għall-knisja ta’ Santa Maria tal-Anġli Baħar ic-Ċaghaq. Biljetti mingħand il-helpers.
3. Nhar il-Ġimgha se jsir HEALING SERVICE minn Dr John fil-knisja tagħna fis-7.30 pm. Kulħadd mistieden.
4. Fl-okkażjoni tal-50 sena tal-parroċċa se titqassam xbieha tal-Madonna tal-Kunċizzjoni li tibqa’ għall-ġimgħa f’kull dar, imbagħad fil-ġimgħa ta’ wara tgħaddi f’dar oħra bl-għajnuna tal-helpers tagħna. Għalhekk nitolbukom li taċċettaw din ix-xbieha fid-dar tagħkom u titolbu ir-rużarju bħala familja.

It-Tieni Ħadd matul is-Sena

Sena Liturġika B

1. 1. Nhar it-Tlieta se jkun hawn Adorazzjoni fil-Kappella tal-Adorazzjoni, organizzata mill-Grupp ta’ Talb ta’ San Franġisk fis-7.00 pm.
   2. Nhar il-Ħamis ikun hawn l-Adorazzjoni wara l-quddiesa tas-6.30 pm.
   3. Navżaw li bejn it-18 u l-25 ta’ Jannar, il-Knisja se tiċċelebra Ġimgħa ta’ Talb għall-Għaqda tal-Insara. Għal din l-okkażjoni nhar il-Ħamis li ġej fis-6.30 pm se jsir Servizz Ekumeniku Djoċesan immexxi mill-Arċisqof Charles Scicluna. Kulħadd huwa mistieden.
   4. Nhar il-Ħamis se norganizzaw Coffee Morning b’risq il-Parroċċa. Biljetti mingħand il-helpers.
   5. Nhar it-Tnejn, 22 ta’ Jannar fis-7.00 pm fis-sala Dun Manwel se ssir laqgħa għal dawk li jattendu l-Kappella tal-Adorazzjoni. Imexxi il-laqgħa Dun Ġużepp Mifsud Bonnici.
   6. Nhar l-Erbgħa 24 ta’ Jannar se ssir ħarġa bil-quddiesa organizzata miċ-Ċentru tal-Anzjani għall-Knisja ta’ Santa Marija tal-Anġli, Baħar-iċ-Ċagħaq. Biljetti mingħand il-helpers.
   7. Nhar il-Ġimgħa 26 ta’ Jannar se jsir Healing Service  minn Dr. John fil-Knisja tagħna fis-7.30 pm. Kulħadd huwa mistieden.
   8. Nitolbu għal ruħ Alfons Genovese, Rita Zammit, Rita Formosa, Mary Bartolo u Paula Dimech li mietu matul din il-ġimgħa. Agħtihom O Mulej il-mistrieħ ta’ dejjem.

Solennita’ tal-Epifanija tal-Mulej

Sena Liturġika B

1. Għada t-Tnejn fis-7.00 pm fiċ-Ċentru tal-Irġiel issir il-Laqgħa għal Kulħadd mill-Koperaturi tal-Museum.
2.  Nhar il-Ħamis, wara l-quddiesa ta’ filgħaxija ikun hawn Adorazzjoni  mmexxija mill-Grupp tal-Ħniena Divina.
3. Nhar is-Sibt se ssir l-Adorazzjoni għall-qdusija tas-saċerdoti fil-Knisja Parrokkjali ta’ Sant’ Elena Birkirkara.  It-trasport jitlaq minn quddiem il-knisja fit-8.15 pm.
4. Nhar is-Sibt fil-5.30 pm fil-Konkatidral ta’ San Ġwann, il-Belt, l-għarajjes huma mistiedna għall-Quddiesa li fiha se jkollhom l-okkażjoni jiltaqgħu mal-Arċisqof.
5. L-istrina tal-Parroċċa laħqet it-€3,008 filwaqt li l-Ġabra Speċjali tal-Ħadd li għadda laħqet €1,494. Nirringrazzjaw lil kulħadd.
6. Il-Museum tal-Bniet jixtieq javża li l-Mużew se jerġa’ jiftaħ it-Tnejn 15 ta’ Jannar.
7. Nitolbu għal ruħ Victor Galea, Mary Carr u Maryanne Conti li mietu matul din il-ġimgħa. Agħtihom O Mulej il-mistrieħ ta’ dejjem.

Il-Familja Mqaddsa ta’ Ġesu’, Marija u Ġużeppi

Sena Liturġika B

1. Illum il-Ħadd hu l-aħħar jum tas-sena, fis-6.30 p.m. ikollna l-quddiesa ta’ ringrazzjament lil Alla għall-grazzji kollha li sawwab fuqna matul din is-sena. Fl-10.00 pm nagħmlu Adorazzjoni. Fil- 11.00 pm tibda’ l-quddiesa u nibdew is-sena l-ġdida bil-Barka Sagramentali f’nofsillejl. Wara niltaqgħu fis-Sala Dun Manwel biex nawguraw is-sena t-tajba lil xulxin.

2. It-Tnejn, l-Ewwel tas-Sena, hija s-Solennita’ ta’ Marija Omm Alla . Il-quddies ikun bħal tal-Ħdud. Dak inhar se niċċelebraw il-50 sena mit-twaqqif tal-parroċċa. Fis-6.30 pm se ssir il-quddiesa Solenni li tfakkar dan l-avveniment immexxija minn Mons. Dun Ġużepp Mifsud Bonnici, l-Ewwel Kappillan tal-Parroċċa. Kulħadd mistieden sabiex nirringrazzjaw lil Alla tal-grazzji kbar li tana f’dawn il-50 sena. Fil-Quddies kollu ssir il-ġabra strina għall-bżonnijiet tal-Parroċċa.

3. Il-Parroċċa taghna se tieħu sehem fil-festi li se jfakkru l-ħames ċentinarju tad-dehra tal-Madonna lil San Gejtanu. Nhar l-Erbgħa se jsir Pellegrinaġġ bl-istatwa ta’ San Gejtanu li se titlaq mill-Knisja Parrokkjali ta’ San Gejtanu fis-7.00 pm u tasasl fil-knisja tagħna. Tingħad il-kurunella u tingħata l-barka sagramentali. Il-Ġimgħa fis-7 pm isir pellegrinaġġ bl-istatwa ta’ San Gejtanu, li jitlaq mill-Knisja tagħna lura lejn il-knisja ta’ San Gejtanu.

4. Nhar il-Ħamis se jiltaqa’ l-Kunsill Pastorali Parrokkjali fis-7 pm.

5. Nhar il-Ġimgħa hija l-ewwel Ġimgħa tax-xahar.  Minħabba li se jsir il-pellegrinaġġ ta’ San Gejtanu, l-adorazzjoni ssir fis-6.00 pm.

6. Nhar il-Ħamis se norganizzaw coffee morning b’risq il-parroċċa.

7. Nirringrazzjaw lil dawk kollha li taw id-donazzjonijiet fl-envelopes bħala Strina għall-Parroċċa. Ninfurmaw li għar-restawr tar-raġġiera s’issa inġabru €1335. Grazzi wkoll lil dawn id-donaturi.

8. Navżaw li wara l-Għid se norganizzaw il-Kors ta’ Kana. L-għarajjes jistgħu jibbukkjaw fl-Uffiċċju Parrokkjali.

Ir-Raba’ Ħadd tal-Avvent,

Sena B

1. Illejla l-Ħadd, niċċelebraw il-Velja tal-Milied fl-10.30 pm bil-kant mit-tfal u l-Kor Parrokkjali u l-prietka tat-tifel. F’nofsillejl niċċelebraw it-twelid ta’ Ġesu’ permezz ta’ Quddiesa Solenni konċelebrata.

2. Nhar l-Erbgħa l-Kummissjoni Djakonija torganizza laqgħa soċjali għall-anzjani fid-dar ta’ Fra Diegu. Tibda’ b’quddiesa fid-9.30 a.m. L-Anzjani tal-Parroċċa huma mistiedna jattendu.

3. Nhar il-Ħadd hu l-aħħar jum tas-sena, fis-6.30 p.m. ikollna l-quddiesa bil-kant tat-Te Deum bħala ringrazzjament lil Alla għall-grazzji kollha li sawwab fuqna matul din is-sena. Fl-10.00 pm Adorazzjoni komunitarja. Fil- 11.00 pm tibda l-quddiesa u f’nofsillejl Barka Sagramentali. Wara niltaqgħu fis-Sala Dun Manwel biex nawguraw is-sena t-tajba lil xulxin.

4. It-Tnejn, l-Ewwel tas-Sena, hija s-Solennita’ ta’ Marija Omm Alla. Dak inhar huwa Jum importanti għall-parroċċa tagħna għax tagħlaq 50 sena bħala parroċċa, fis-6.30 pm se ssir quddiesa Solenni immexxija minn Mons. Dun Ġużepp Mifsud Bonnici. Fiha nirringrazzjaw lil Alla tal-ġid li sawwab fuqna. Fil-Quddies kollu ssir il-ġabra strina għall-bżonnijiet tal-Parroċċa.

It-Tielet Ħadd ta’ Avvent,

Sena B

1. Matul din il-ġimgħa nkomplu bin-novena tal-Milied. Fis-6.00 pm ikun hawn rużarju, kurunella tal-Bambin Ġesu u ħsieb qasir qabel il-quddiesa.
2. Nhar il-Ħamis ikun hawn Adorazzjoni Ewkaristika wara l-quddiesa ta’ filgħaxija.
3. Nhar il-Ġimgħa il-quddiesa ta’ filgħaxija  tkun bis-sehem tat-tfal tal-Museum u l-ġenituri tagħhom.
4. Il-Ħadd, lejliet il-Milied,  fl-10.30 pm għanjiet mit-tfal. Fil-11.00 pm tibda il-Velja tal-Milied li tinkludi l-prietka tat-tifel. F’nofs il-lejl niċċelebraw it-twelid ta’ Ġesu permezz ta’ Quddiesa Solenni konċelebrata bis-sehem tal-Kor Parrokkjali.
5. Infakkru li l-parroċċa tixtri kwantità ta’ ponsietti biex inżejnu l-artal għall-ġranet tal-Milied. Min jixtieq jista’ jagħti donazzjoni għal dan l-għan.

6. Nhar l-Erbgħa 27 ta’ Diċembru l-Kummissjoni Djakonija qed torganizza laqgħa soċjali għall-anzjani fid-dar ta’ Fra Diegu. Tibda b’quddiesa fid-9.30 a.m., fiha ikun hemm il-prietka tat-tifel li tkun saret fil-parroċċa fil-lejl tal-Milied. L-Anzjani tal-Parroċċa huma mistiedna jattendu.
7. Wasal “Kliem il-Ħajja” ta’ Jannar – Marzu, għalhekk id-distributuri huma mitluba li jiġbruhom mill-Uffiċċju Parrokkjali.
8. Navżaw ukoll li bħalissa qed jinġabru l-envelopes bl-istrina għall-Parroċċa. Napprezzaw ħafna l-għotjiet tagħkom.
9. Nhar it-Tlieta u l-Erbgħa, se jkollna l-Father Christmas li se jqassam ir-rigali lit-tfal tal-Parroċċa. Min irid iwassal ir-rigali tiegħu b’dan il-mod huwa mitlub li jġibhom fis-Sala Dun Manwel sa nhar it-Tnejn bejn il-5.30 pm-8.00pm.
10. Nitolbu għal ruh Frans Mizzi li miet matul din il-ġimgħa. Agħtih O Mulej il-mistrieħ ta’ dejjem.

It-Tieni Ħadd ta’ Avvent,

Sena Liturġika B

1. Għada t-Tnejn, fis-7.00 p.m., fiċ-Ċentru Soċjali ta’ l-irġiel, se ssir il-laqgħa għal kulħadd minn Koperatur tal-Museum.
2. Nhar il-Ħamis ikun hawn Adorazzjoni  Ewkaristika fis-7 pm immexxija mill-Grupp Ħniena Divina.
3. Minn nhar il-Ġimgħa tibda’ n-novena tal-Milied. Fis-6.00 pm ikun hawn rużarju, kurunella tal-Bambin Ġesu u quddiesa bi ħsieb qasir.
4. Se nixtru kwantità ta’ ponsietti biex inżejnu l-artal u l-Knisja għall-ġranet tal-Milied. Dawk li jixtiequ jgħinu jistgħu jagħtu donazzjoni ta’ €3 għal kull ponsjetta.
5. Nhar il-Ġimgħa se jsir Choir Singing mit-tfal, b’risq il-Missjoni fi Pjazza Kappillan Muscat. It-tfal li jixtiequ jieħdu sehem mitlubin jiġu l-Uffiċċju Parrokkjali fl-4.15 pm fejn se jingħataw kostum apposta.
6. Nhar it-Tlieta 19 ta’ Diċembru u l-Erbgħa 20 ta’ Diċembru, se jkollna l-Father Christmas li se jqassam ir-rigali lit-tfal tal-Parroċċa. Min irid iwassal ir-rigali tiegħu b’dan il-mod huwa mitlub li jġibhom fis-Sala Dun Manwel bejn il-11 u t-18 ta’ Diċembru bejn il-5.30 pm-8.00 pm.
7. Mal-fuljett ta’ Diċembru tqassam l-envelope tal-Istrina biex tgħinu fl-ispejjeż tal-Parroċċa. Nirringrazzjawkom għall-ġenorożita tagħkom.
8. Armajna siġra tal-Milied u fiha dendilna 50 dekorazzjoni ikkuluriti li jirrapprezentaw il-50 sena bħala parroċċa. Nixtiequ ninvolvu l-parruċċani, speċjalment it-tfal sabiex inpoġġu xi ħaġa tal-ikel li wara l-Milied se jingħataw lit-tfal tal-Istitut ta’ Fra Diegu. L-ikel jista’ jitħalla f’ qoffa fejn il-bieb tal-Knisja.

9. Nitolbu għal ruh John Portelli u Antonia Tabone li mietu matul din il-ġimgħa. Agħtihom O Mulej il-mistrieħ ta’ dejjem.

L-Ewwel Ħadd tal-Avvent,

Sena B

1. Nhar It-Tnejn fis-6.30 pm ikollna quddiesa animata mil-Kor tal-Parroċċa tal-Qrendi. Nhar it-Tlieta fis-6.30 pm l-quddiesa tkun animata mil-Kor Parrokkjali ta’ Ħal Tarxien. L-Erbgħa fis-6.30 pm ikollna quddiesa mmexxija minn-Grupp Żgħażagħ ta’ Medjugorie u wara Adorazzjoni Ewkaristika.

2. Nhar l-Erbgħa ser isir laqgħa fiċ-Ċentru tal-anzjani wara l-quddiesa tat-8.15 am.

3. Nhar il-Ħamis, lejliet il-Festa tal-Immakulata Kunċizzjoni, fil-5.30 pm Rużarju meditat, fis-6.00 pm għasar kantat. Fis-6.30 pm quddiesa bis-sehem tal-Kor.

4. Nhar il-Ġimgħa 8 ta’ Diċembru, il-Festa Liturġika tal-Immakulata Kunċizzjoni, wara l-quddiesa tat-8.00 am ikollna ċ-ċelebrazzjoni tat-Tifħir ta’ sbieh il-Jum  (Lawdi). Fil-5.30 pm ikollna r-Rużarju meditat u fis-6.00 pm ċelebrazzjoni tal-għasar. Fis-6.30 pm quddiesa Konċelebrata mmexija minn Nunzju l-ġdid L-E.T. Mons. Alessandro D’Errico.

5. Nhar is-Sibt fil-parroċċa ta’ Santa Marija, l-Imġarr, se ssir l-Adorazzjoni ta’ billejl għall-qdusija tal-Kleru. Ikollna trasport li jitlaq minn fejn il-knisja fit-8.15 pm.

6. Navżaw li fis-sajf il-Parroċċa se torganizza Tour fl-Umbria u Loreto. Programmi jistgħu jittieħdu mis-sagristija.

7. Infakkru li għadna kemm lestejna r-restawr tar-Raġġiera tal-Kunċizzjoni li swiet € 2,590. Diġa rċevejna xi donazzjonijiet li jammontaw għal €330. Tkun ħaġa sabiħa jekk matul din il-ġimgħa tagħmlu sforz sabiex tgħinu l-parroċċa tkopri dawn l-ispejjeż.

8. Nitolbu għal ruħ Dorothy Grech li mietet matul din il-ġimgħa. Agħtiha O Mulej il-mistrieħ ta’ dejjem.

L-Erbgħa u Tletin Ħadd matul is-sena – Sena A
Solennita’ ta’ Kristu Sultan tal-Ħolqien Kollu

1. Nhar it-Tlieta se ssir adorazzjoni fil-kappella organizzata mill-grupp Talb ta’ San Franġisk fis-7 pm. Kulħadd huwa mistieden.

2. Nhar l-Erbgħa nagħtu bidu għan-Novena tal-Festa tal-Kunċizzjoni. Matul in-novena ser ikun hemm Rużarju Meditat u Kurunella fis -6.00 pm u quddiesa bi ħsieb fuq il-Madonna. Dak inhar ukoll se jkun il-bidu tal-programm taċ-Ċelebrazzjonijiet tal-50 Anniversarju mit-twaqqif tal-parroċċa. Dakinhar il-quddiesa se tkun bis sehem tal-Komunita’ Franġiskana u se tkun animata mill-Korijit tal-Knisja ta’ San Franġisk u l-Kor Parrokkjali.

3. Nhar il-Ħamis il-quddiesa se tkun animata mill-parroċċa ta’ Gwardamanġa.

4. Nhar il-Ġimgħa hija l-Ewwel Ġimgħa tax-xahar, fil-qudddiesa ta’ filgħaxija se ssir il-vestizzjoni tal-abbatini.

5. Nhar il-Ħadd huwa ukoll l-ewwel Ħadd ta’ l-Avvent, għalhekk nhar is-Sibt , ir-rużarju jingħad fis-5.45 pm u wara jsir l-għasar. Fis-6.30 pm il-quddiesa.

6. Nhar il-Ħadd huwa l-ewwel Ħadd tax-xahar u ssir il-ġabra speċjali b’risq il-knisja.

7. Għadna kemm irrestawrajna ir-raġġiera tal-Madonna li kellha bżonn ta’ tiswija, restawr u “polishing” apposta. Din ġiet tiswa elfejn ħames mija u disgħin euro (€2,590). Kull kontribuzzjoni tiġi apprezzata.

8. Nhar is-Sibt filgħaxija u matul il-quddies tal-Ħadd li ġej se jsir ċensiment mitlub mill-Kurja Arċiveskovili.

Il-Ħadd, 19 ta’ Novembru, 2017
It-33 Ħadd ta’ matul is-sena, Sena A

1. Nhar il-Erbgħa fis-7 pm ser issir taħdita fis-Sala Dun Manwel għal kulħadd organizzata mill-Azzjoni Kattolika tal-parroċċa bi tħejjija għat-tesserament.
2. Nhar il-Ħamis ikollna Adorazzjoni Ewkaristika wara l-quddiesa ta’ filgħaxija.
3. Nhar il-Ġimgħa fil-quddiesa tas-6.30 pm ikun hawn it-tesserament tal-membri tal-Azzjoni Kattolika.
4. Nhar il-Ġimgħa huwa l-ħames anniversarju mill-Ordinazzjoni Episkopali ta’ Mons. Arċisqof. Għal dan l-għan se jqaddes quddiesa ta’ ringrazzjament fil-Knisja Arċipretali tal-Mosta fis-6.30 pm li għaliha kulħadd huwa mistieden. Wara se tibda’ tiltaqa’ l-Assemblea Djoċesana bit-tema “l-Evanġelizzazjoni u d-Djakonija” li tibqa’ sejra sas-Sibt filgħodu. F’din l-Assemblea flimkien mal-Arċisqof jiltaqgħu rappreżentanti tal-oqsma differenti tal-knisja Maltija. Nitolbu biex l-Assemblea Djoċesana tħalli l-frott fil-ħidma pastorali.
5. Nhar it-Tlieta iċ-Ċentru ta’ l-anzjani ser jorganizza ħarġa bil-quddiesa għas-seminarju, filwaqt li l-Ħamis se jsir Coffee Morning b’risq il-Parroċċa. Biljetti mingħand il-helpers.
6. It-Tlieta, L-Erbgħa u l-Ġimgħa ser tkompli r-reġistrazzjoni tal-Quddies għall-Mejtin għas-sena d-dieħla. Dan se tkun mill-4.30 pm ‘l quddiem biss.
7. Nhar il-Ħadd se tiġi ċċelebrata il-Festa ta’ Kristu Re fil-Parroċċa ta’ Santa Venera. Se jkun hemm ċelebrazzjoni tal-Għasar li jibda fil-5 pm immexxi mill-Arċisqof Charles Scicluna. Wara jsir diskors mill-Arċisqof. Mons Arċisqof iħeġġeġ lil dawk li jistgħu jattendu sabiex jieħdu sehem f’din iċ-ċelebrazzjoni.
8. Fil-ġimgħat li ġejjin se jintlaqgħu applikazzjonijiet għad-dħul fl-iskejjel tal-knisja f’Settembu 2018. Informazzjoni dettaljata tinkiseb mill-istess skejjel tal-Knisja u minn fuq il-website tal-Kurja.
9. Nitolbu għar-ruħ Ġuża Giacomotto u Charles Carbonaro li mietu matul din is-sena. Agħtihom O Mulej il-mistrieħ ta’ dejjem.