Posts in category: Avviżi

Il-Wieħed u Għoxrin Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar il-Ħamis f’għeluq l-45 anniversarju mit-twaqqif tal-Banda Immakulata Kunċizzjoni, se ssir quddiesa fil-pjazza ta’ quddiem il-Każin  fis-6.30 pm.  Nistieden  lil kulħadd biex jingħaqad magħna għal din il-quddiesa.    Wara ssir bibita. 

2. Nhar Il-Ġimgħa  fl-istess pjazza ta’ quddiem il-Każin se ssir attivita’ multikulturali.  Se tkun festa ta’ inklużjoni u se jkun hemm ċans li dduqu ikel minn diversi pajjiżi flimkien ma’ mużika tradizzjonali. Kulħadd mistieden biex nieħdu gost flimkien, f’ambjent sabiħ u ta’ ċelebrazzjoni. 

3. Il-parroċċa se  torganizza pasta night fil-Euroclub Hotel il-Qawra nhar il-Ġimgħa 13 ta’ Settembru. Se jsir ukoll ftit tombla u se jkun hemm entertainment minn Fabrizio Faniello.  Ikollna it-trasport fis-7pm minn fejn il-knisja.   Dawk li jixtiequ jibbukkjaw jistgħu ikellmu lil kappillan jew xi ħadd mill-helpers jew fl-uffiċċju parrokkjali. Inħeġġiġkom biex tattendu biex nieħdu gost flimkien u fl-istess ħin tkunu qed tgħinuna biex intaffu l-ispejjeż li għandna tax-xogħol li qed isir.  Grazzi ħafna. 

4. Nitolbu għal ruħ Joseph Conti li miet matul din il-ġimgħa. Agħtiħ Mulej il-misrieħ ta’ dejjem. 

L-Għoxrin Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar il-Ħamis ikun hawn l-adorazzjoni Ewkaristika wara l-quddiesa  tas-6.30 pm

2. Il-parroċċa se  torganizza pasta night fil-Euroclub Hotel il-Qawra nhar il-Ġimgħa 13 ta’ Settembru. Se jkollna t-trasport fis-7 pm minn fejn il-knisja.   Dawk li jixtiequ jibbukkjaw jistgħu ikellmu lil kappillan jew xi ħadd mill-helpers jew fl-uffiċċju parrokkjali.  

3. F’għeluq l-45 anniversarju mit-twaqqif tal-Banda Immakulata Kunċizzjoni, se ssir quddiesa fil-pjazza ta’ quddiem il-Każin nhar il-Ħamis, 29 ta’ Awwissu fis-6.30 pm.  Nistieden lil kulħadd biex jingħaqad magħna għal din il-quddiesa.  Il-quddiesa ta’ filgħaxija fil-Knisja ma ssirx.  Wara ssir bibita.  

4. Is-Sibt 30 t’Awwissu, fl-istess pjazza ta’ quddiem il-Każin se ssir attivita’ multikulturali.  Se tkun festa ta’ inklużjoni u se jkun hemm ċans li dduqu ikel minn diversi pajjizi flimkien ma’ mużika tradizzjonali. Kulħadd mistieden biex nieħdu gost flimkien, f’ambjent sabiħ u ta’ ċelebrazzjoni. 

5. Infakkarkom li minn nhar it-Tlieta filgħaxija, il-quddies se jibda’ jkun fis-Sala Dun Manwel, minħabba li fil-Knisja se jkun għaddej ix-xogħol fuq il-koppla.  Fil-weekend, jiġifieri s-Sibt filgħaxija u l-Ħadd,  se nippruvaw li nagħmlu l-quddiesa fil-Knisja. Grazzi tal-koperazzjoni tagħkom u nittamaw li ma ndumux. 

6. Nitolbu għal ruħ Natalina Sammut, Marisa Cauchi u Lawrence Piscopo li mietu matul dawn il-ġranet. Agħtihom O Mulej il-mistrieħ ta’ dejjem.

Id-Dsatax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Illum qed tiġi ċċelebrata l-festa ta’ San Gejtanu. Nawguraw minn qalbna lill-Arċipriet Dun Walter, is-Saċerdoti u l-Parruċċani kollha, li din il-festa tħalli ġid spiritwali.

2. Nhar Il-Ħamis hija s-Solennita’ tat-Tlugħ fis-Sema ta’ Ommna Marija. Infakkru li hija festa bl-obbligu tal-quddies. Il-Quddiesa ta’ l-Erbgħa filgħaxija u l-ġurnata tal-Ħamis jkun bħal ta’ nhar ta’ Ħadd.

3. Nhar il-Ġimgħa jaħbat is-61 sena minn mindu nfetħet il-Knisja tagħna u saret fiha l-ewwel quddiesa mmexxija mill-E.T. Mons. Isqof Emanuel Galea. Għalhekk ikun xieraq li nirringrazzjaw lil Alla tal-ġid kollu li sar f’din il-Knisja matul is-snin u nitolbu li l-Parroċċa tagħna tkun komunita’ ħajja ta’ fidi.

4. Jekk Alla jrid, nhar l-Erbgħa 21 ta’ Awwissu se jibda’ x-xogħol tal-koppla minn ġewwa. Minn dak in-nhar il-quddies ta’ matul il-ġimgħa se jibda’ jsir fis-sala Dun Manwel minħabba l-periklu li jista’ jkun hawn fil-Knisja u wkoll biex ix-xogħol ikun jista’ jibda’ jsir minn kmieni filgħodu u għalhekk ma ntawwlux bla bżonn. Iżda fil-weekend, jiġifieri is-Sibt filgħaxija u l-Ħadd isir il-quddies fil-Knisja bħas-soltu. Minn dak in-nhar, ma jkunux jistgħu isiru funerali fil-Parroċċa. Niskużaw ruħna għal kull inkonvenjent, imma qed nagħmlu ħilitna biex ix-xogħol jitlesta malajr kemm jista jkun. U grazzi tal-koperazzjoni tagħkom.

It-Tmintax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1.  Nhar il-Ħamis ikun hawn l-adorazzjoni Ewkarisitka wara lquddies tas-6.30 pm

2. Nhar il-Ħadd li ġej tiġi ċċelebrata l-festa ta’ San Gejtanu. Nitolbu għall-Kappillan, Kleru u poplu tal-Parroċċa biex il-festa tkun okkażjoni biex nikbru fl-imħabba tagħna lejn Alla u lejn il-Qaddis li tiegħu niċċelebraw il-festa.

Is-Sbatax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar il-Ħamis 2 t’Awissu hija l-festa tal-Porzjunkola.  Hemmhekk San Franġisk kellu dehra ta’ Ġesu’ u l-Madonna imdawwrin mill-anġli.  Huma staqsewh x’jixtieq bħala grazzja u San Franġisk wieġeb: jien nixtieq li kull min izur il-kappella, jindem u jqerr u jieħu sehem fil-quddiesa, ikollu l-maħfra tad-dnubiet kollha.  Din l-indulġenza għal bidu kienet riservata għall-kappella biss, imma maż-żmien din infirxet fil-knejjes kollha tal-Franġiskani u aktar tard fil-Parroċċi kollha.  Għalhekk inħeġġiġkom biex bejn nofs in-nhar tal-Erbgħa 1 t’ Awwissu u nofs il-lejl tat-2 t’ Awwissu nersqu lejn il-qrar u t-tqarbin u nitolbu il-Kredu u skond l-intenzjoni tal-Papa tagħna biex hekk naqilgħu l-indulġenza. 

2. Nhar il-Ġimgħa hija l-Ewwel Ġimgħa tax-xahar,  ikun hawn l-adorazzjoni wara l-quddiesa ta’ filgħaxija. 

3. Il-Ħadd li ġej huwa l-ewwel Ħadd tax-xahar u għalhekk il-ġbir ikun għall-ispejjez tal-Knisja.  Kif rajtu bħalissa qed induru l-lanterna minn barra biex kif titlesta, nibdew il-proġett minn ġewwa.  Il-ħsara hija estensiva imma x-xogħol miexi ġmielu. 

Is-Sittax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar il-Ħamis ikun hawn l-adorazzjoni wara l-quddiesa ta’ filgħaxija.

2. L-awtoritajiet tas-saħħa javżaw lil kulħadd, imma speċjalment lil persuni anzjani u vulnerabbli biex jevitaw ix-xemx, jixorbu ta’ spiss u jieklu ikel ħafif. Navza wkoll biex fil-Knisja niġu lebsin kif jixraq fid-dar ta’ Alla. Għall-grazzja t’Alla fil-Knisja tagħna għandna l-arja kkundizjonata u għalhekk ma nħossx li għandi noqgħod nagħmel appelli dwar dan imma kulħadd għandu sens li jaf jadatta l-ilbies tiegħu għal post li nkunu fih.

3. 3. Inħeġġeġ ukoll lil dawk kollħa li jħossu li jistgħu jagħtu servizz lill-Parroċċa, biex ma jiddejqux ikellmuni. Min jaqra, min iqarben lill-morda, min jingħaqad mall-Kor Parrokkjali, Abbatini eċċ.. Il-Parroċċa hija l-komunita’ tagħna fejn kulħadd juża d-doni li taħ il-Mulej għall-ġid ta’ kulħadd.

Il-Ħmistax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1.  Nixtieq minn qalbi nirringrazzja lil kull min ta sehmu biex nagħmlu festa sabiħa u xierqa lil ommna Marija. Ħajr imur għall-Grupp Armar. Dilettanti tan-nar u Għaqda Mużikali li jaħdmu s-sena kollha. Imma wkoll lil tant helpers li jagħtu daqqa t’id kemm fil-Knisja u kemm barra. Grazzi lil kulħadd.

2.  Nhar il-Ħamis ikun hawn l-adorazzjoni wara l-quddiesa ta’ filgħaxija.

3.  Issa nħarsu ‘l quddiem biex jibda’ x-xogħol fuq il-koppla. Grazzi lil dawk kollha li kkontribwew għall-istilel u l-kliem li se jintużaw fit-tiżjin tagħha. Kont sorpriż ħafna għal mod kif urejtu ħeġġa biex dawn isiru. Urejtu kemm għad għandkom imħabba lejn il-Knisja Parrokkjali tagħna. Grazzi. Għada stess se jibda’ xogħol fuq il-lanterna minn barra u fl-ewwel ġimgħa ta’ Awissu jibda’ x-xogħol fuq il-koppla minn ġewwa. Kif tafu, ġejna mogħtija €1300 mill-Fond għall-Kawżi Ġusti li jagħtuna imbuttatura tajba fl-ispejjeż. Kien hemm persuna li offriet ix-xiri u t-twaħħil tad-dwal ġodda (grazzi mill-qalb). Il-Ħadd li ġej se nagħmlu ġabra speċjali għall-ispejjeż tagħha. Kulħadd jgħin kif jista’, kif dejjem għamiltu u ma naqtgħux qalbna, naslu bil-ftit jew il-ħafna ta’ xulxin.

It-Tlettax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar IT-TNEJN – Il-Ħames jum tan-Novena. Huwa Jum tfal fis- 6:45 pm: Purċissjoni bl-istatwa tal-Madonna mill-Knisja Parrokkjali sal-Kwartieri ta’ l-iscouts. Il-Madonna tkun akkumpanjata mill-Iscouts tal-Ħamrun. 7:15pm: Quddiesa fil-Kwartieri ta’ l-Iscouts mill-kappillan bis-sehem tat-tfal tal-Mixja Neokatekumenali u mill-Girl Guides. It-tfal iġibu magħhom xi ħelu biex jingħataw lit-tfal ta’ familji fil-bżonn. Wara l-Quddiesa: It-tfal jingħataw ġelat.. 

2. Nhar it-TLIETA huwa s-sitt jum tan-Novena: fis-6.00 pm rużarju. Fis-6.30 pm quddiesa minn P. Elmar Pace OFM Cap fi Pjazza Kappillan Muscat b’għana Malti miktub mill-Professur Oliver Friggieri. Ikun hemm is-siġġijiet għal kulħadd. Ma jkunx hemm quddies fil-knisja.

3. L-ERBGĦA huwa s-seba’ jum tan-novena u huwa: Jum il-Komunita’. Mistiedna s-saċerdoti u r-reliġjużi li ħadmu jew li ħarġu mill-parroċċa, persuni li kienu attivi fil-parroċċa, eks membri fil-Youth Centre, l-Abbatini, il-Kunsill Pastorali Parrokkjali, u lajċi impenjati. Fis-6:00 pm: rużarju meditat u litanija kantata. Fis-6:30 pm: Quddiesa minn Mons. Dun Ġużepp Mifsud Bonnici. Wara l-Quddiesa: Kurunella, Antifona, Barka Sagramentali u Innu lill-Immakulata Kunċizzjoni.

   Wara: Wine and Pizza party quddiem il-Knisja.

4. IL-ĦAMIS Huwa it-Tmien jum tan-Novena. Fis- 6:00 pm: Rużarju meditat 6:30 pm: Quddiesa minn Dun Charles Bugeja. Il-parroċċa tiftakar f’ħutna li marru qabilna mill-festa l-oħra ‘l hawn. Wara l-Quddiesa: Kurunella, Antifona, Barka Sagramentali u Innu lill-Imm. Kunċizzjoni.

5. IL-ĠIMGĦA: Id-Disa’ jum tan-Novena u huwa Jum il-Familja. Mistednin koppji, familji u parruċċani ġodda. Issir il-preżentazzjoni tat-trabi lill-Madonna. 6:00 pm: Rużarju. 6:30 pm: Quddiesa minn Mons. Dun Joe Bajada. Wara l-Quddiesa: Kurunella, Antifona, Barka Sagramentali u Innu lill-Imm. Kunċizzjoni.

6. Nhar il-Ġimgħa ukoll fit-8.30 pm ser isir kunċert fi Triq il-Kappillan Mifsud mill-Banda Immakulata Kunċizzjoni. Wara ssir il-preżentazzjoni tal-Fjuri f’riġlejn l-istatwa tal-Kunċizzjoni mir-rappreżentanti tat-toroq tal-Parroċċa. Kulħadd huwa mistieden.

7. Nhar is-SIBT lejliet il-festa 8:15 am: Quddiesa bit-Te Deum. Jiċċelebra P. Joseph Zahra, OP, Kappillan ta’ Gwardamanġa. 6:00 pm: Translazzjoni mmexxija mill-Kappillan Dun Franco Fenech mill-Katekumenju sal-Parroċċa, bis-sehem tal-aħwa tal-Komunita’ Neokatekumenali u parruċċani. Fis-6:30 pm: Quddiesa bl-Ewwel Għasar, iċċelebrata minn Patri Ugolin Scerri OFM Conv. Il-Knisja tibqa miftuħa sa tard.

8. Xtaqt navzża li n-nar tal-art se jsir fejn kien isir qabel, jiġifieri f’tarf it-Triq Manwel Magri u mhux kif kien avżat qabel.

9. IL-ĦADD Jum il-Festa Fit- 8:30 am: Quddiesa Solenni tal-Festa mill-E.T. Mons. Joseph Galea Curmi. INĦEĠĠU LIL KULĦADD JATTENDI DIN IL-QUDDIESA PRINĊIPALI TAL-FESTA.

   Għal dak in-nhar biss issir il-quddiesa tal-11.00 am minn Dun Walter Cauchi, Arċipriet ta’ San Gejtanu.

   Filgħaxija fil-5.30 pm: It-talb tas-Salmi. Fis-6.00 pm quddiesa ċċelebrata mill-Kanonku Martin Borg u animata mil-Kor Parrokkjali ta’ San Ġwann taħt id-direzzjoni tas-Surmast Ray Storace.

   Fis-7.15 p.m. Toħroġ l-Purċissjoni bl-istatwa maħbuba u devota ta’ Marija Immakulata akkumpanjata mill-Għaqda Mużikali Immakulata Kunċizzjoni li tgħaddi minn dawn it-toroq: Manwel Magri, Kunċizzjoni, Pawlu Burlo’, Duluri, Indri Cilia, Kunċizzjoni, Fatati, Pjazza Kappillan Muscat, Ġuze’ Maria Camilleri, Villambrosa, Triq Franġiskani, Kappillan Mifsud sal-knisja. Nitolbukom biex nikkoperaw mal-Puluzija u f’dawn it-toroq ma tħallux karrozzi pparkjati. Fl-ewwel parti tal-purċissjoni ser nitolbu flimkien it-talba tar-Rużarju. Inħeġġu lil kulħadd jingħaqad magħna ħalli nitolbu flimkien it-talba tant għażiża għal Ommna Marija.

   Infakkar li hekk kif il-Madonna tasal fi Pjazza Kappillan Muscat, se tingħata l-warda tad-deheb fl-okkażjoni tal-170 sena mid-domma tal-Immakulata Kunċizzjoni u l-45 anniversarju tal-Banda tagħna. Din il-warda ġiet preżentata fil-mawra li għamilna ġo Lourdes u mbierka mill-Q.T. il-Papa Franġisku li poġġielha wkoll ġawhra sabiħa fin-nofs tagħha.

   Fl-10.15 pm: ninġabru fi Pjazza Kappillan Muscat, biex nagħtu tislima lill-Madonna bix-xemgħat f’idejna u bil-kant ta’ l-Ave Marija. Wara d-dħul solenni fil-Knisja. Kant tal-antifona u tingħata l-barka Sagramentali.

10. Nhar it-Tnejn, 8 ta’ Lulju, fis-6.30pm ikollna quddiesa ta’ radd il-ħajr bis-sehem ta’ dawk kollha li taw sehemhom fl-organizzazzjoni tal-festa.

11. L-għaqda Muzikali tagħna tavża wkoll li dawk li kienu bbukkjaw l-ikliet, jistennew l-ikel f’jum il-festa għax jirċevuh id-dar.

It-Tnax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar IL-ĦAMIS huwa L-ewwel jum tan-Novena bi tħejjija għall-festa titulari. Fis-6:00 pm: Rużarju. 6:30pm: Quddiesa Quddiem il-Knisja tal–Franġiskani bis-sehem tas-sewwieqa. Is-Sewwieqa bil-karozzi huma mistiedna li jieħdu posthom kmieni fi triq ta’ quddiem il-Knisja tal-Franġiskani.  Wara l-quddiesa jsir it-tberik, tingħata tifkira u ssir carcade mat-toroq tal-Parroċċa. Jiċċelebra Patri Pawl Galea OFM. Għalhekk dak inhar il-Knisja tkun magħluqa. Se jkun hemm is-siġġijiet quddiem il-knisja ta’ San Franġisk. 

2. Nhar IL-ĠIMGĦA : It-Tieni jum tan-Novena; Jum l-anzjani. Fis-6:00 pm: Rużarju. 6:30 pm: Quddiesa minn Mons. Carmelo Farrugia għall-bżonnijiet tal-anzjani tal-Parroċċa li fiha namministraw is-Sagrament tal-Griżma tal-Morda. Il-Quddiesa tkun animata mill–Kummissjoni Djakonija. Wara l-quddiesa jkun hemm bibita barra fejn l-Uffiċċju Parrokkjali .  L-anzjani tal-parroċċa huma mistiedna.

3. Nhar IL-ĦADD  Ir-Raba’ jum tan-Novena:  JUM IL-KOMUNITA’. Mistednin speċjali l-għaqdiet ta’ Karità u Soċjali fi ħdan il-Knisja.  Għaqdiet li jaħdmu ma’ diversi oqsma ta’ persuni fil-bżonn.  Fil-quddiesa se jieħdu sehem ukoll il-barranin li jgħixu fil-parroċċa. 6:00 pm: Rużarju. 6:30 pm: Quddiesa mill-Kanonku Anthony Fitzpatrick, Kappillan tal-Parroċċa ta’ Marija  Regina il-Marsa u delegat tal-Kappillani għad-djakonija. Il-ġbir ta’ dak in-nhar se jmur għall-entitajiet ta’ karita fi ħdan il-knisja. Il–Quddiesa tkun animata mill-Kor tal–Franġiskani Minuri mmexxi minn P. Pawl Galea OFM u mill-komunità barranija. Wara l-Quddiesa: Kurunella lill-Immakulata Kunċizzjoni u innu Marjan.  

4. Nhar il-Ħadd se tiġi organizzata majjalata mill-Grupp Armar Festa flimkien mal-Għaqda Dilettanti tan-Nar fi Pjazza Kappillan Muscat. Booking mingħand il-membri tal-Grupp Armar u Dilettanti tan-Nar. 

5. Is-Sibt  bejn id-9:00 am sa 12:00 pm: sejrin nagħtu id-demm. Dawk li jixtiequ jingħaqdu magħna jiġu ħdejn il-Knisja fid-9.00 am u jġibu l-karta ta’ l-identita’.  

6. Nitolbu għal ruħ Victor Spiteri, Anna Maria Parnis, Antonia Vassallo u Carmela Fero’ li mietu matul din il-ġimgħa. Agħtihom O Mulej il mistrieħ ta’ dejjem.

Il-Ħdax-il Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Fl-okkażjoni tal-170 sena mid-Domma tal-Immakulata Kunċizzjoni u l-45 sena mit-twaqqif tal-Għaqda Mużikali Marija Immakulata, l-istess Għaqda Mużikali se tippreżenta warda tad-deheb lill-Istatwa maħbuba tagħna. Din il-warda diġa ġiet preżentata meta għamilna l-mawra ġewwa Lourdes u l-ġimgħa d-dieħla se nitilgħu Ruma biex titbierek mill-Papa Franġisku f’udjenza privata li se jkollna miegħu. Hija se żżejjen l-istatwa titulari tagħna dak in-nhar tal-Festa meta tasal quddiem il-Każin. Jalla din il-warda tkun verament simbolu ta’ l-imħabba tagħna lejn Ommna Marija Immakulata u lejn il-Parroċċa tagħna. Jalla aħna lkoll nikbru fl-imħabba vera lejn Ommna Marija.

2. Infakkarkom li illum, fl-okkażjoni ta’ Jum il-Missier, se jitqassmu l-ikliet ġentilment offruti mill-Għaqda Mużikali lil dawk li kienu applikaw. Infakkar li t-tielet ikla se titqassam f’jum il-festa tagħna.

3. F’isem l-Għaqda Armar tal-Parroċċa, nirringrazzjakom tal-koperazzjoni tagħkom waqt l-armar tal-Parroċċa. Niftakru li dawn jaħdmu volontarjament, bla ebda nteressi u jaħdmu bil-qalb biex nagħmlu festa xierqa lil Ommna Marija. Għalhekk tajjeb li aħna nikkoperaw magħhom u fejn nistgħu ngħinuhom ukoll. Inħeġġeġ biex narmaw gallariji u twieqi għal jiem tal-festa biex hekk inkomplu nsebbħu ir-raħal tagħna.

4. Nhar il-Ħamis ikun hawn l-adorazzjoni Ewkarisitka wara l-quddiesa tas-6.30 pm.

5. Nhar il-Ġimgħa se ssir ftira night fis-sala parrokkjali. Biljetti mingħand il-helpers.

6. Nhar l-Erbgħa li ġej fis-6.30 pm se ssir quddiesa ta’ ringrazzjament ta’ għeluq it-47 sena minn meta Mons. Joe Bajada u sħabu ġew ordnati saċerdoti. Ningħaqdu magħhom biex nirringrazzjaw lill-Mulej għas-sejħa tagħhom u għal ġid kollu li sar matul dawn is-snin bħala saċerdoti. Nitolbu għalihom.

7. Nitolbu għal ruħ Maria Mintoff li daħlet fil-ħajja ta’ dejjem. Agħtiha Mulej il-mistrieħ ta’ dejjem.