Nhar il-Ħamis ikun hawn l-adorazzjoni filgħaxija wara l-quddiesa tas-6.30 p.m.
Bħala parti mill-programm tal-festa nhar il-Ġimgħa 25 ta’ Ġunju se jkun Jum l-anzjani. Għalhekk l-anzjani huma mistiedna li jattendu għall-quddiesa tas-6.30 pm. Min jixtieq trasport iħalli ismu fl-uffiċċju parrokkjali.
Matul il-Ġimgħa se nqassmu l-programm tal-Festa Interna tal-Parroċċa. Se nibgħatu wkoll envelop sabiex dawk li jixtiequ jkunu jistgħu jagħtu donazzjoni għall-ispejjez tal-festa ta’ gewwa. Dawn jistgħu jitwasslu l-uffiċċju parrokkjali, fil-letter-box tal-Uffiċċju jew fis-sagristija.
Nitolbu għal Carmen Farrugia li mietet matul din il-ġimgħa. Agħtiha, O Mulej, il-mistrieħ ta’ dejjem …..
Nhar il-Ħamis ikun hawn l-adorazzjoni Tal-Ħniena Divina wara l-quddiesa tat-8.15 a.m. u filgħaxija wara l-quddiesa tas-6.30 p.m. ikollna l-adorazzjoni.
Fil-ġranet li ġejjin se nqassmu il-programm tal-festa. Miegħu ser issibu l-envelop għad-donazzjoni tagħkom għall-ispejjeż tal-festa. Għalkemm il-festa se tkun ta’ ġewwa biss xorta hemm spejjeż mhux tas-soltu bħall-orkestra u l-fjuri. Għalhekk nitolbukom li tkunu ġenerużi. L-Envelops mhux ser jinġabru imma ġibuhom intom jew il-knisja jew fl-uffiċċju parrokkjali . Min għandu xi diffikultà biex iwassal id-donazzjoni tiegħu iċemplilna u niġu għaliha aħna jew jibagħtuha ma’ persuna ta’ fiduċja.
Nitolbu għal Carmen Azzopardi li mietet matul din il-gimgħa. Agħtiha, O Mulej, il-mistrieħ ta’ dejjem.
Minn nhar it-Tnejn nagħtu bidu għall-Ġimgħa Ewkaristika bi tħejjija għall-Festa ta’ Corpus Christi li se niċċelebraw il-Ħadd li ġej, għalhekk matul din il-ġimgħa mit-Tnejn sas-Sibt se jkun hawn adorazzjoni kuljum wara l-quddiesa ta’ filgħaxija. Inħeġġukom li min jista’ jattendi jekk mhux kuljum imqar f’xi ġurnata minnhom. Matul din il-ġimgħa il-kappella tal-adorazzjoni tingħalaq fis-7 pm.
Nhar is-Sibt fis-6.10 pm L-Ewwel Għasar ta’ Corpus Christi bis-sehem tal-kor Parrokkjali. Fis-6.30 pm quddiesa u wara adorazzjoni.
Nhar il-Ħadd Festa Solenni ta’ Corpus fis-6.10 pm it-Tieni Għasar bis-sehem tal-kor Parrokkjali, Fis-6.30 pm quddiesa solenni u wara Barka Sagramentali. Dak inhar inħeġġu l-ġenituri biex iġibu t-tfal li għamlu l-ewwel tqarbina.
Infakkrukom li l-Ħadd li ġej nagħmlu l-ġabra speċjai għall-Festa li se tiġi ċċelebratha fl-4 ta’ Lulju. Il-programm tal-Festa se jkun fil-knisja biss u jibda mill-24 ta’ Ġunju. Aktar il-quddiem se nqassmu programm tal-festa lil kulħadd.
Nitolbu għal ruħ George Galea u Susanna Bartolo li mietu matul din il-ġimgħa. Agħtihom O Mulej il-mistrieh ta’ dejjem.
Ġejna mitlubin mid-Dipartiment tas-Saħħa Pubblika sabiex niġbru d-dettalji ta’ dawk li qed isibu xi diffikulta’ sabiex jirreġistraw għat-tilqima tal-vaċċin. Għalhekk dawk li jixtiequ jistgħu jiġi l-uffiċċju parrokkjali it-Tnejn, l-Erbgħa u l-Ġimgħa bejn id-9.00 am u l-10.00 am u kemm jagħtuna d-dettalji pesonali tagħhom u numru ta’ kuntatt. Aħna mbagħad ngħadduhom lid-dipartiment tas-Saħħa li jieħdu ħsieb huma stess li jikkuntattjaw lin-nies.
Matul din il-ġimgħa se ssir in-novena tal-Pentecoste bit-tħejija għall-festa tal-Pentecoste nhar il-Ħadd li ġej, għalhekk fis-6 pm se tingħad it-talba tal-Veni Creator, ħsieb fuq doni tal-Ispirtu s-Santu, u rużarju fejn tingħad il-litanija tal-Ispirtu Santu. Fis-6.30 pm il-quddiesa.
Nhar Il-Ħamis fis-7.00 pm ikollna Adorazzjoni Ewkaristika.
Nhar Is-Sibt u nhar il-Ħadd fis-6.10 pm se jingħad l-għasar tal-Pentecoste. Fis-6.30 pm quddiesa.
Nitolbu għal Joseph Ciantar, Filomena Bonello, Petrina Xerxen u Paul Zerafa li mietu matul din il-ġimgħa. Agħtihom O Mulej il-mistrieħ ta’ dejjem…
Nitolbu ukoll għal ruħ Dun Karm Grech mill-Parroċċa ta’ San Ġorġ Ħal-Qormi li għamel snin jaħdem fil-parroċċa tagħna li miet matul din il-ġimgħa. Il-funeral ser isir għada it-Tnejn fil-Parroċċa San Ġorġ fid-9.30 am.
Nhar il-Ħamis, fid-8.45 am, ikun hawn l-adorazzjoni immexxija mill-Grupp Ħniena Divina. Il-Ħamis ukoll ikun hawn l-adorazzjoni wara l-quddiesa ta’ filgħaxija.
Bi preparazzjoni għall-festa ta’ Pentecoste il-Ħadd 23 ta’ Mejju, minn nhar is-Sibt li ġej nibdew in-novena ta’ Pentecoste fejn se jkun hemm ħsieb qasir kuljum fuq id-doni ta’ l-Ispirtu s-Santu qabel il-quddiesa .
Fl-okkażjoni ta’ Jum l-Omm nagħtu l-awguri lill-ommijiet kollha.
Nhar il-Ħamis ikun hawn l-adorazzjoni wara l-quddiesa tas-6.30 pm. Il-Ħamis ukoll se jkun hemm l-adorazzjoni tal-Ħniena Divina fil-kappella fid-8.45 am.
Nhar il-Ġimgħa wara l-quddiesa ta’ filgħaxija se ssir laqgħa ta’ Lectio Divina li fiha nagħmlu riflessjoni u preparazzjoni għar-raba’ Ħadd tar-Randan.
Nhar is- Sibt, fis-5.45 pm ikun hawn Via Sagra, fis-6.10 pm jitkanta l–għasar u fis-6.30 pm quddiesa.
Infakkrukom li qegħdin niġbru preserves u donazzjonijiet għad-Dar tal-Providenza. Kull donazzjoni hija apprezzata. Id-Donazzjonijiet se jitieħdu id-Dar tal-Providenza l-għada ta’ l-Għid. Bħal kull sena se niġbru ukoll il-figolli. Dawn se jingħataw lill-persuni b’disabilita’ tal-parroċċa u tad-djar li jieħdu ħsiebhom.
L-Uffiċċju Reġistrazzjoni Żwiġijiet fil-Kurja se jorganizza kors ta’ preparazzjoni għaż-żwieġ ta’ Maltin ma’ barranin. Dan se jsir bejn il-12 u l-16 ta’ April 2021. Minħabba l-pandemija dan il-kors se jsir online. L-applikazzjonijiet jagħlqu nhar it-Tnejn, 5 ta’ April 2021. (Min hu interessat għandu jibgħat imejl fuq dan l-indirizz: [email protected].)
Nitolbu għal ruħ Francesco Grasso, Ġuża Spiteri u Joseph Ebejer li mietu matul dawn il-ġranet. Agħtihom O Mulej il-mistrieħ ta’ dejjem.
Min-nhar it-Tnejn 8 ta’ Marzu sakemm joħroġ avviż ieħor, fil-MUSEUM tas-Subien mhux se jsiru lezzjonijiet u laqgħat għat-tfal u liż-żgħażagħ.Is-Superjur se jkun qed javża l-ġranet u l-ħin li fihom se jsiru l-laqgħat online.
Nhar il-Ħamis ikun hawn Adorazzjoni wara l-quddiesa tas-6.30 pm minflok il-Ġimgħa.
Nhar il-Ġimgħa wara l-quddiesa ta’ filgħaxija se ssir l-ewwel laqgħa ta’ Lectio Divina li fiha nagħmlu riflessjoni u preparazzjoni għall-aħħar tlett iħdud tar-Randan.
Nhar is- Sibt, fis-5.45 pm ikun hawn Via Sagra, fis-6.10 pm jitkanta l–Ewwel Għasar u fis-6.30 pm quddiesa.
Nhar il-Ħadd issir il-ġabra speċjali għall-bżonnijiet tal- knisja.
Għal matul ir-randan, minn din il-ġimgħa se nibdew niġbru preserves u donazzjonijiet għad-Dar tal-Providenza. Kull donazzjoni hija apprezzata. Id-Donazzjonijiet se jitieħdu d-Dar tal-Providenza l-għada tal-Għid.
Il-Ġabra speċjali li għamilna għas-Seminarju laħqet is-somma sabiħa ta’ € 1,002. Grazzi lil-kulħadd.
Nixtiequ navżaw li għad hawn diversi tfal li qegħdin fis-sena tal-preċett li se jsir fit-30 ta’ Mejju u li għadhom mhumiex reġistrati fil-parroċċa. Importanti li din issir mhux iktar tard mil-ġimgħa li ġejja.
