Irrestawrajna r-Raġġiera tal-Vara Titulari għax kienet teħtieġ tiswija, restawr u “polishing” apposta. Din ġiet tiswa Elfejn ħames mija u disgħin Euro (€2,590). 
Kull kontribuzzjoni tiġi apprezzata.
Il-Ħadd 19 ta’ Novembru 2017
Il-Ħadd, 19 ta’ Novembru, 2017
It-33 Ħadd ta’ matul is-sena, Sena A
1. Nhar il-Erbgħa fis-7 pm ser issir taħdita fis-Sala Dun Manwel għal kulħadd organizzata mill-Azzjoni Kattolika tal-parroċċa bi tħejjija għat-tesserament.
2. Nhar il-Ħamis ikollna Adorazzjoni Ewkaristika wara l-quddiesa ta’ filgħaxija.
3. Nhar il-Ġimgħa fil-quddiesa tas-6.30 pm ikun hawn it-tesserament tal-membri tal-Azzjoni Kattolika.
4. Nhar il-Ġimgħa huwa l-ħames anniversarju mill-Ordinazzjoni Episkopali ta’ Mons. Arċisqof. Għal dan l-għan se jqaddes quddiesa ta’ ringrazzjament fil-Knisja Arċipretali tal-Mosta fis-6.30 pm li għaliha kulħadd huwa mistieden. Wara se tibda’ tiltaqa’ l-Assemblea Djoċesana bit-tema “l-Evanġelizzazjoni u d-Djakonija” li tibqa’ sejra sas-Sibt filgħodu. F’din l-Assemblea flimkien mal-Arċisqof jiltaqgħu rappreżentanti tal-oqsma differenti tal-knisja Maltija. Nitolbu biex l-Assemblea Djoċesana tħalli l-frott fil-ħidma pastorali.
5. Nhar it-Tlieta iċ-Ċentru ta’ l-anzjani ser jorganizza ħarġa bil-quddiesa għas-seminarju, filwaqt li l-Ħamis se jsir Coffee Morning b’risq il-Parroċċa. Biljetti mingħand il-helpers.
6. It-Tlieta, L-Erbgħa u l-Ġimgħa ser tkompli r-reġistrazzjoni tal-Quddies għall-Mejtin għas-sena d-dieħla. Dan se tkun mill-4.30 pm ‘l quddiem biss.
7. Nhar il-Ħadd se tiġi ċċelebrata il-Festa ta’ Kristu Re fil-Parroċċa ta’ Santa Venera. Se jkun hemm ċelebrazzjoni tal-Għasar li jibda fil-5 pm immexxi mill-Arċisqof Charles Scicluna. Wara jsir diskors mill-Arċisqof. Mons Arċisqof iħeġġeġ lil dawk li jistgħu jattendu sabiex jieħdu sehem f’din iċ-ċelebrazzjoni.
8. Fil-ġimgħat li ġejjin se jintlaqgħu applikazzjonijiet għad-dħul fl-iskejjel tal-knisja f’Settembu 2018. Informazzjoni dettaljata tinkiseb mill-istess skejjel tal-Knisja u minn fuq il-website tal-Kurja.
9. Nitolbu għar-ruħ Ġuża Giacomotto u Charles Carbonaro li mietu matul din is-sena. Agħtihom O Mulej il-mistrieħ ta’ dejjem.
Il-Ħadd 12 ta’ Novembru 2017
Il-Ħadd, 12 ta’ Novembru, 2017
It-Tnejn u Tletin Ħadd matul is-sena , Sena
1. Nhar it-Tnejn fis-7.00 pm fiċ-Ċentru ta’ l-Irġiel ikun hemm il-laqgħa ta’ tagħlim għal kulħadd minn membru tal-koperaturi tal-MUSEUM.
2. Nhar l-Erbgħa l-quddiesa ta’ filgħaxija se tkun b’suffraġju tas-saċerdoti mejtin li ħadmu f’din il-parroċċa.
3. Nhar il-Ħamis ikun hawn l-adorazzjoni wara il-quddiesa ta’ filgħaxija.
4. Minn nhar it-Tlieta, l-Erbgħa u l-Ġimgħa ser tibda r-reġistrazzjoni tal-Quddies għall-Mejtin għas-sena d-dieħla. Din se tkun mill-4.30 pm ‘l quddiem biss. Biex nevitaw il-queue, kulħadd huwa mitlub jikteb il-lista tal-mejtin tiegħu bid-data u l-ħin tal-quddies li jixtieq. Infakkrukom li fil-ġranet tat-Tlieta, il-Ħamis u s-Sibt ma tista’ ssir ebda intenzjoni.
5. Nhar it-Tlieta 21 ta’ Novembru ċ-Ċentru tal-anzjani ser jorganizza ħarġa bil-quddiesa għas-seminarju, filwaqt li l-Ħamis 23 ta’ Novembru se jsir Coffee Morning b’risq il-Parroċċa. Biljetti mingħand il-helpers.
6. Fil-Weekend li ġej se ssir il-Ġabra Speċjali għall-Iskejjel tal-Knisja.
7. Nitolbu għal ruħ Pauline Bellizzi li mietet matul din il-ġimgħa. Agħtiha O Mulej il-mistrieh ta’ dejjem.
Griżma tal-Isqof
Abela Liam, Agius Kyleen, Attard Jamie, Azzopardi Norbert, Bonello Sefora, Borg Dailin, Borg Emerson, Borg Francesco, Borg Garith, Camilleri Eliana, Camilleri Emerson, Delicata Tenerly, Falzon Hailey-Marie, Gatt Ylenia, Hili Whitney, Hudson Denzel, Sammut Redenia, Scicluna Leona, Tanti Isaura, Tanti Zelaica, Zarb Jacob, Zarb Julian, Zarb Shannon.
Il-Ħadd 15 ta’ Ottubru 2017
It-Tmienja u Għoxrin Ħadd matul is-sena
Sena A
1. Nhar it-Tnejn ser ssir laqgħa ta’ tagħlim fuq l-Ewkaristija fiċ-Ċentru ta’ l-Irġiel fis-5.45 pm. Kulħadd huwa mistieden, speċjalment dawk li jiffrekwentaw il-kappella tal-Adorazzjoni. Imexxi Mons. Dun Ġużepp Mifsud Bonnici.
2. Nhar it-Tlieta se ssir laqgħa tas-Social Club tal-Anzjani wara il-quddiesa tat-8.15 am.
3. Nhar il-Ħadd li ġej hija l-Ġurnata Missjunarja. Għalhekk il-ġbir kollu se jmur għall-Missjoni tal-Knisja Kattolika. Infakkarkom ukoll fl-envelopes li tqassmu fid-djar tagħkom li se jinġabru minn dawk li jqassmulkom il-fuljett jew inkella iġġibuhom il-Knisja jew l-uffiċċju parrokkjali.
4. Mill-Ġimgħa 27 ta’ Ottubru se jkollna l-bazaar tal-parroċċa. Tistgħu tgħinu billi iġġibu xi preserves u tpoġġuhom fil-qfief li hemm fejn il-bibien.
5. Fil-velja tal-Milied nixtiequ ħafna s-sehem tat-tfal. Dawk it-tfal li jixtiequ jieħdu sehem iħallu isimhom fis-sagristija jew jinfurmaw lill-katekisti.
6. Navżaw li d-djoċesi għadha kemm temmet l-istħarriġ fuq il-ħajja ta’ qdusija ta’ Patri Avertan Fenech, Karmelitan u b’hekk tkun tista’ tinfetaħ il-kawża għall-beatifikazzjoni. B’radd il-ħajr lil Alla fl-1 ta’ Novembru fil-5.00 pm se ssir iċ-ċerimonja tal-għeluq tal-inkjesta Djoċesana u wara quddiesa solenni fil-Konkattidral ta’ San Ġwann.
7. Nitolbu għal ruħ Alfred Debattista li miet din il-ġimgħa. Agħtih O Mulej il-mistrieħ ta’ dejjem.
il-Kappillan.
15 ta’ Ottubru, 2017
A A
Il-Ħadd 8 ta’ Ottubru
It-Tmienja u Għoxrin Ħadd matul is-sena
Sena A
1. Nhar it-Tnejn ser ssir laqgħa ta’ tagħlim fuq l-Ewkaristija fiċ-Ċentru ta’ l-Irġiel fis-5.45 pm. Kulħadd huwa mistieden, speċjalment dawk li jiffrekwentaw il-kappella tal-Adorazzjoni. Imexxi Mons. Dun Ġużepp Mifsud Bonnici.
2. Nhar it-Tlieta se ssir laqgħa tas-Social Club tal-Anzjani wara il-quddiesa tat-8.15 am.
3. Nhar il-Ħadd li ġej hija l-Ġurnata Missjunarja. Għalhekk il-ġbir kollu se jmur għall-Missjoni tal-Knisja Kattolika. Infakkarkom ukoll fl-envelopes li tqassmu fid-djar tagħkom li se jinġabru minn dawk li jqassmulkom il-fuljett jew inkella iġġibuhom il-Knisja jew l-uffiċċju parrokkjali.
4. Mill-Ġimgħa 27 ta’ Ottubru se jkollna l-bazaar tal-parroċċa. Tistgħu tgħinu billi iġġibu xi preserves u tpoġġuhom fil-qfief li hemm fejn il-bibien.
5. Fil-velja tal-Milied nixtiequ ħafna s-sehem tat-tfal. Dawk it-tfal li jixtiequ jieħdu sehem iħallu isimhom fis-sagristija jew jinfurmaw lill-katekisti.
6. Navżaw li d-djoċesi għadha kemm temmet l-istħarriġ fuq il-ħajja ta’ qdusija ta’ Patri Avertan Fenech, Karmelitan u b’hekk tkun tista’ tinfetaħ il-kawża għall-beatifikazzjoni. B’radd il-ħajr lil Alla fl-1 ta’ Novembru fil-5.00 pm se ssir iċ-ċerimonja tal-għeluq tal-inkjesta Djoċesana u wara quddiesa solenni fil-Konkattidral ta’ San Ġwann.
7. Nitolbu għal ruħ Alfred Debattista li miet din il-ġimgħa. Agħtih O Mulej il-mistrieħ ta’ dejjem.
il-Kappillan.
15 ta’ Ottubru, 2017
Gheluq l 40 sena
MESSAĠĠ TA’ MONS. ARĊISQOF
PAUL CREMONA O.P.
LILL-PARROĊĊA IMMAKULATA KUNĊIZZJONI – ĦAMRUN
L-ewwel ħsieb li jiġini huwa ta’ ringrazzjament lill-Mulej u lil Marija Immakulata tal-ġid pastorali li sar f’din il-parroċċa matul dawn l-40 sena. Dan ma sarx waħdu. Imma għax persuni ta’ fidi, ta’ ħila u ta’ entużjażmu offrew ħajjiethom u ħinhom fil-qadi tal-poplu ta’ Alla. Grazzi lill-kappillani, saċerdoti, reliġjużi irġiel u nisa, membri
ta’ għaqdiet u movimenti kattoliċi u l-poplu ta’ Alla kollu kemm individwali kif ukoll bħala familji u bħala soċjetajiet.
Imma din il-parroċċa trid tkompli l-missjoni tagħha. Inħarsu lura għas-sodisfazzjon u l-kuraġġ, u nħarsu ‘l quddiem għall-isfidi dejjem ġodda.
Meta fl-20 ta’ April li għadda kelli l-okkażjoni li nitkellem mal-membri tal-Kunsilli Pastorali Parrokkjali qsamt magħhom dawn ir-riflessjonijiet:
Il-parroċċa trid tkun xhieda viżibbli għal min għadu ma għarafx lill-Mulej. Irid isibu permezz tagħna.
Il-parroċċa hija l-Knisja li tgħammar f’nofs id-djar ta’ wliedha. Nemmnu li qegħdin flimkien mhux kumbinazzjoni, imma biex din ir-realtà soċjali nagħmluha realtà spiritwali.
Ma nistgħux nitkellmu mill-parroċċa billi nibdew mill-istrutturi . Il-parroċċa tibda mill-fidi tal-persuni wieħed wieħed u waħda waħda. Jiena nħoss din il-fidi, inti tħoss din il-fidi, il-persuna l-oħra iħossu din il-fidi li hemm ġewwa fina. Meta jiena li g]andi l-fidi ġewwa fija niltaqa’ ma’ persuna oħra li għandha l-fidi, nibdew nitkellmu fuq il-fidi tagħna. Hemmhekk inkunu qed nitfgħu ż-żerriegħa tal-komunità, g]ax il-fidi ma tibqax biss fidi tiegħi imma ssir fidi tagħna. Meta din il-fidi tkun b’saħħitha biżżejjed fil-komunità, il-knisja tagħtiha r-responsabbiltà ta’ parti mill-poplu ta’ Alla biex tieħu ħsiebu. U din il-missjoni qabel ma jagħtihielna l-Isqof trid tkun fina permezz tal-magħmudija.
Irridu inkunu l-poplu ta’ Alla ta’ l-Għid il-Kbir. Dan ifisser li nemmnu fil-ħajja ta’ wara din u ngħixu mexjin lejn din il-ħajja. Irridu nkunu wkoll il-poplu ta’ Alla ta’ Għid il-Ħamsin, jiġifieri ma nistgħux ngħixu l-fidi tagħna fil-biża li kellhom l-appostli qabel niżel l-Ispirtu s-Santu fuqhom. Imma rridu nkunu komunità li bla biża’ u bl-entużjażmu nipproklama li Kristu l-Mulej huwa ħaj.
Min dan kollu jidher li l-parroċċa mhux biss għandha futur, imma wkoll għandha missjoni. Fuq l-esperjenzi sbieħ ta’ l-40 sena li għaddew, nistedinkom ilkoll flimkien li tirriflettu fuq dawn l-aspetti fundamentali u fuqhom tibnu kull pjan pastorali u kull attività oħra.
Minn qalbi nawguralkom kull ġid u hena tal-Mulej. Nitlob lill-Mulej jixħet il-barka Tiegħu fuqkom ilkoll. Nitlob lil Marija Immakulta li kif daħlet f’din id-dinja mingħajr ħtija, tgħinkom tevitaw kull ħtija u tersqu lejn Binha Ġesù, speċjalment fl-Ewkaristija.
+ Pawlu
Arċisqof ta’ Malta 9 ta’ Mejju, 2007
tifkira tal-Beatu Ġorġ Preca