Avviżi – Il-Ħadd 9 ta’ Ġunju 2024

L-Għaxar Ħadd matul is-Sena

 Sena Liturġika B

54, Triq Manwel Magri,
Ħamrun  HMR 10,
Malta

Tel: 21232643

AVVIŻI TAL-PARROĊĊA

1. Nhar l-Erbgħa ser isir coffee morning b’risq il-knisja fis-sala parrokkjali fid-8.45 am . Biljetti mingħand il-helpers.

2. Nhar l-Erbgħa wkoll, fis-6.30 pm se ssir il-Quddiesa ta’ Liberazzjoni. Din hija quddiesa li tiġi organizzata mill-Kummissjoni Djoċesana dwar l-Okkult u s-Sataniżmu li fiha jsir talb ta’ Ħelsien u talb ta’ Protezzjoni. Jieħdu sehem fiha l-Eżorċisti tad-Djoċesi flimkien ma’ Saċerdoti oħra u nitolbu fuq kull min ikun preżenti.

3. Nhar il-Ħamis ikun hawn l-adorazzjoni Ewkarisitka wara l-quddies tas-6.30 pm.

4. Il-Ġimgħa jiltaqa’ il-KPP fis-Sala Dun Manwel fis-7.15 pm.

5. Nhar il-Ħadd li ġej, 16 ta’ Ġunju, fil-quddiesa tad-9.30 am, se nilqgħu lil Ħamrun Ameteurs u nifirħu magħhom għas-suċċessi li qegħdin jagħmlu. Dan l-aħħar il-Ħamrun Ameteurs rebħu l-kampjonat tal-futbol ameteurs (MAFA).

Dak in-nhar ukoll huwa JUM IL-MISSIER. Għalhekk fil-quddiesa se nitolbu għall-irġiel kollha, inberkuhom u noffru l-quddiesa għalihom.

6. Fil-ġranet li ġejjin se jibdew jitqassmu il-programmi tal-festa li se tkun fit-7 ta’ Lulju. Nitlobkom biex tħarsu lejhom u taraw id-diversi okkażjonijiet sbieħ li jsiru matul in-Novena. Nieħdu sehem fihom għaliex l-isbaħ tiżjin tal-Knisja huwa l-preżenza tagħna. Magħhom ukoll se ssibu lotterija li tibgħatuha fl-envelope flimkien mad-donazzjoni tagħkom. L-envelopes se jinġabru mid-djar minn persuni awtorizzati minni (mill-Kappillan). Dawn se jkollhom tag li turi li qed jiġbru f’isem il-Parroċċa. Tistgħu ukoll tibgħatuhom ma’ persuna tal-fiduċja tagħkom jew impustawh l-uffiċċju Parrokkjali.

7. Nitolbu għal ruħ Marlene Darmanin li mietet matul dawn il-ġranet. Agħtiha O Mulej il-mistrieħ ta’ dejjem.