Huwa għalhekk li fil-funerali, qrib tat-tebut jitpoġġa l-Blandun, sinjal ta' Kristu Rxoxt. Fil-Magħmudija irċevejna d-dawl tal-fidi, liema dawl idawwal l-ħajja tagħna. Il-qawmien tal-Mulej huwa t-tama tan-nisrani għall-ħajja ta' Dejjem. Fuq t-tebut titpoġġa ukoll il-Kelma t' Alla, li tfakkarna li t-tama tagħna mhiex fiergħa, li insara oħra qabilna għamlu dan il-vjaġġ diġa. L-istess Kelma li ibħala insara ggiwidatna u mexxietna tul il-ħajja tagħna. Knejjes antiki huma mibnija sabiex ifakkruna li l-Knisja għandha tliet livelli. Hemm il-post fejn niltaqgħu nitolbu, hemm il-kripta jew il-post tad-dfin u l-koppla li tfakkarna fl-insara li diġa qiegħdin igawdu lill-Alla. In-nisrani jemmen li Kristu wara l-passjoni u l-mewt tiegħu fuq is-salib, qam minn bejn l-imwiet. Il-ġisem tiegħu ħa sura ġdida u glorjuża wara l-qawmien, hekk li l-Bibbja tgħidilna li m' għarfuhx mill-ewwel, li seta' jiekol imma anke jgħaddi minn bibien magħluqa.

Huwa għalhekk li n-nisrani, li bil-Magħmudija issieħeb ma' Kristu, u għadda mill-mewt għal-ħajja ġdida, jemmen fil-qawmien mill-imwiet u fil-ħajja ta' dejjem. Bħalma Kristu qam mill-imwiet, in-nisrani jemmen li l-bniedem ukoll iqum mill-imwiet għal ħajja ġdida. In-nisrani jemmen li l-bniedem wara l-mewt jidher quddiem Alla, l-imħallef ġust u l-avukat ħanin tagħna. Wara l-ġudizzju universali anke l-ġisem tagħna jieħu s-sura glorjuża li kellu Ġesu wara l-qawmien mill-imwiet. Il-Ħajja ta' Dejjem

Għaddew għal ħajja oħra fis-sinjal tal-fidi:

Galea Alfred

Carmela Zammit

O’Dea Anna Maria

Mifsud Bruno

Muscat Carmel

Laus John

Xerxen Alfred

Mifsud Rosaria

Scerri Giuseppe

"Is-salib ta' Ġesu huwa l-Kelma li biha Alla wieġeb għall-ħażen tad-Dinja. Kultant naħsbu li Alla ma jweġibx, li jibqa' fis-skiet. Fir-realta Alla tkellem, wieġeb u r-risposta hija s-Salib ta' Ġesu. Kelma li hi mħabba, ħniena, maħfra. U anke ġudizzju: Alla jiġġudikana waqt li jħobbna. Jekk nilqa' imħabbtu nkun meħlus, jekk le nkun kkundannat, mhux minnu imma minni nnifsi, għax Alla ma jikkundannza, Hu jħobb u jsalva.

Ejjew nimxu flimkien it-triq tas-Salib, ejjew nimxu u nġorru f' qalbna din il-Kelma ta' mħabba u maħfra. Ejjew nimxu waqt li nistennew il-Qawmien..." Papa Franġisku Via Crucis fil-Kolossew - 29 ta' Marzu 2013