Il-paġna elettronika ġiet iddisinjata sabiex tinforma u toffri diversita’ ta’ interess għal persuni f’kull stat tal-ħajja għax fi triqatna lkoll neħtieġu għajnuniet spiritwali. Għalhekk merħba tassew u nittama li ssib mezz kif dak li jidher fiha jgħinek tiżviluppa t-twemmin tiegħek u tagħti glorja lil Alla, l-Għajn ta’ kull ġid.
Nixtieq ukoll li l-paġna elettronika tal-Parroċċa ma tkunx biss għal dan li semmejt, iżda li tmur lilhinn u sservi sabiex min jidħol fiha jagħti kontribut permezz ta’ suġġerimenti siewja li jagħmlu l-inizjattivi pastorali aktar miftuħa b’firxa akbar ta’ kontributuri u ideat ġodda. Dan huwa mitlub minn kull nisrani attiv għat-tixrid tal-Bxara t-Tajba u l-glorja t’Alla.
Nitlob lil Mulej ibierek lilek u jseddaq ix-xewqat tajba tiegħek.
F' dan iż-żmien ta' tiġdid, il-Knisja tirrifletti fuq il-Qawmien. Ittina l-Atti tal-Appostli bħala qari fil-liturġija biex tfakkarna kif l-esperjenza tal-Qawmien wasslet għall-eżistenza tal-Knisja. Matul il-Ħdud, tgħinna nħarsu lejn Kristu fid-dawl tal-Qawmien, Hu r-ragħaj t-tajjeb tagħna, il-Ħniena Divina ta' Alla, id-Dawl tagħna. Fl-aħħar ta' żmien il-Għid, il-Knisja tfakkarna fid-don tal-Ispirtu Qaddis, li wiegħdna u li tana biex imexxina fil-ħajja tagħna ta' nsara.
Ħadd il-Palm huwa wkoll il-Ħadd fejn nisimgħu ir-rakkont tal-Passjoni u l-Mewt ta' Ġesu u niftakru li dan is-Sultan tagħna li aħna għażilna li nimxu warajh, huwa sultan li tana kollox.
F' din iċ-ċelebrazzjoni jattendu s-saċerdoti kollha, f' quddiesa li tfakkar ir-rabta u l-għaqda fil-Knisja u b' mod speċjali it-twaqqif tas-saċerdozju. Waqt iċ-ċelebrazzjoni, is-saċerdoti jerġgħu iġeddu l-wegħdiet tagħhom
Fit-tmiem taċ-ċelebrazzjoni, is-Sagrament jitneħħa mit-tabernaklu u jitpoġġa f' artal apposta. F' dan il-lejl li fih jitneżża l-artal, mħeġġin ninġabru fit-talb quddiem l-Ewkaristija sabiex nishru ma' Ġesu'.
Quddiem dan il-misteru, b' għarfien tal-ħniena infinita ta' Alla, il-Knisja tagħmel t-talbiet tagħha quddiem Alla. Wara kulħadd hu mistieden jadura u jbus is-salib ta' Ġesu. Fl-aħħarnett, lkoll nirċievu l-Ewkaristija anke jekk f' dan il-jum ma ssirx il-konsagrazzjoni. Wara t-tqarbin, tiġi mbierka l-ġemgħa miġbura u l-funzjoni tintemm fis-skiet.
F' dan il-lejl tal-Qawmien, il-knisja tissaħħaħ b' membri ġodda li jirċievu l-Magħmudija. Flimkien ma' dawn il-membri ġodda l-insara kollha jġeddu l-wegħdiet tagħhom. Wara, tibda l-liturġija Ewkaristika, u flimkien imqanqlin mill-misteru tal-Qawmien tal-Mulej Ġesu, nirċievu ġewwa fina l-preżenza reali tiegħu ġewwa fina. Dan il-ferħ tal-Għid il-knisja tibqa' tiċċelebrah għal ħamsin jum sħaħ, bl-ewwel tmien t' ijiem meqjusa bħala jum wieħed, il-jum l-aktar importanti fil-ħajja tal-Knisja, il-jum tal-Għid il-Kbir.
F' dan iż-żmien ta' tiġdid, il-Knisja tirrifletti fuq il-Qawmien. Ittina l-Atti tal-Appostli bħala qari fil-liturġija biex tfakkarna kif l-esperjenza tal-Qawmien wasslet għall-eżistenza tal-Knisja. Matul il-Ħdud, tgħinna nħarsu lejn Kristu fid-dawl tal-Qawmien, Hu r-ragħaj t-tajjeb tagħna, il-Ħniena Divina ta' Alla, id-Dawl tagħna. Fl-aħħar ta' żmien il-Għid, il-Knisja tfakkarna fid-don tal-Ispirtu Qaddis, li wiegħdna u li tana biex imexxina fil-ħajja tagħna ta' nsara.
Il-Quddies fil-parroċċa jkun bħal ta' nhar ta' Ħadd
Huwa għalhekk li fil-bidu tar-Randan Imqaddes, wara ċ-ċelebrazzjoni Ewkaristika fejn tqiegħed l-irmied, sar pellegrinaġġ qasir sa Pjazza Kappillan Muscat, fejn tlabna flimkien quddiem is-salib ta' Ġesu. B' mod speċjali f' dan iż-żmien, in-nisrani mħeġġeġ jirrifletti fuq il-passjoni u l-mewt ta' Ġesu.
DIn il-festa li liturġikament issir fil-15 ta' Settembru, m' għandix tkun mument fejn nitħassru lil Marija. Marija baqgħet wieqfa taħt s-salib, miegħu sal-aħħar, dixxiplu mill-aktar perfett u għaldaqstant mudell ewlieni ta' min jrid jimxi ma' Ġesu dejjem. F' dan il-jum, ngħaqqdu t-tbatijiet tagħna ma' dawk ta' Marija u Ġesu, u nitolbuhom biex dejjem nibqgħu wieqfa magħhom!
Ir-Randan huwa opportunita' oħra, sabiex in-nisrani jirrifletti fuq l-imħabba li rċieva mingħand Alla fil-persuna ta' Ġesu', jikber fil-fidi u jgħix l-Magħmudija li rċieva. Ir-Randan jispiċċa fl-Erbgħa tal-Ġimgħa Mqaddsa.
Siti li nistednuk issegwi
Aħbarijiet
Laqgħa dwar il-Festa Maltija fil-Każin Ghaqda Muzikali Immakulata Kuncizzjoni fi Pjazza Kappillan Muscat, nhar is-Sibt 4 ta' Mejju fl-10.15am. Imexxi l-Professur George Cassar. Kulħadd mistieden. Dħul b'xejn. Wara jkun hemm bibita fil-każin.
